உள்ளூர் அரிசி பற்றாக்குறை விவகாரத்தை விசாரிக்க சிறப்பு விசாரணை குழு அமைக்கப்படும்: மாட் சாபு

ஷாஆலம்:

சந்தையில் உள்ளூர் அரிசி பற்றாக்குறை குறித்து தீர்வு காண சிறப்பு குழு அமைக்கப்படும்.

விவசாயம், உணவு பாதுகாப்புத்துறை அமைச்சர் முகமது சாபு இதனை தெரிவித்தார்.

உள்நாட்டு வர்த்தகம் மற்றும் வாழ்க்கைச் செலவு அமைச்சு உள்ளிட்ட பல்வேறு தரப்பினருடன் இணைந்து இந்தப் பிரச்சினையைச் சமாளிக்க உரிய நடவடிக்கைகள் எடுக்கப்படும்.

கேபிகேஎம்மின் தலைமைச் செயலாளர் இந்தப் பிரச்சினையை ஒரு பெரிய பிரச்சினையாக எடுத்துக்கொள்கிறார்.

ஆகையால் நாங்கள் அதை நன்றாகக் கையாள்வோம். சிறந்த வழியைக் கண்டுபிடிப்போம்.

மிட்லாண்ட்ஸ் மாநாட்டு மையத்தில்  சிலாங்கூர் அமானா கட்சியின் மாநாட்டிற்குப் பிறகு ஒரு செய்தியாளர் கூட்டத்தில் அவர் இதனை தெரிவித்தார்.

தற்போது அரிசி உள்ளது. ஆனால் வெள்ளை அரிசி பற்றாக்குறை  ஏற்பட்டுள்ளது என்றார் அவர்.

- பார்த்திபன் நாகராஜன்