செந்தோசா சட்டமன்றம் அளவிலான தீபாவளி திறந்த இல்ல உபசரிப்பு: டத்தோஶ்ரீ அமீருடின் ஷாரி கலந்து சிறப்பிப்பு 

கிள்ளான்: 

செந்தோசா சட்டமன்றம் அளவிலான தீபாவளி திறந்த இல்ல உபசரிப்பு நிகழச்சி ஒவ்வொரு வருடம் இந்த வருடமும் மிகவும் சிறப்பான முறையில் ஏற்பாடு செய்திருந்தோம். 

கடந்த ஐந்து வருடங்களாக இந்த தீபாவளி திறந்த இல்ல உபசரிப்பு நிகழ்ச்சியைச் செய்து வரும் நாங்கள் தொடர்ந்து ஆறாவது முறையாக செய்து வருவதாக செந்தோசா சட்டமன்ற உறுப்பினர் டாக்டர் குணராஜ் ஜோர்ஜ் கூறினார். 

இந்த வருட தீபாவளி திறந்த இல்ல உபசரிப்பில் சுமார் 3000 செந்தோசா வாழ் இந்தியர்கள் கலந்து சிறப்பித்துள்ளனர். அனைவருக்கும் உணவு போதிய அளவில் இருந்ததாக அவர் மகிழ்ச்சியுடன் தெரிவித்தார். 

செந்தோசா தீபாவளி திறந்த இல்ல உபசரிப்பில் சிலாங்கூர் மாநில மந்திரி பெசார் டத்தோஶ்ரீ அமிரூடின் ஷாரி சிறப்பு விருந்தினராக கலந்து கொண்டார் 

இந்தியர்களுக்கான பல்வேறான திட்டங்களை மந்திரி பெசார் அவர்கள் அறிவிப்பார் என்றும் நடப்பு மாநில அரசாங்கமும் மத்திய அரசாங்கமும் இந்தியர்களின் நலன்களில் அக்கறை செலுத்தி வருவதாக அவர் சொன்னார். 

முன்னதாக, செந்தோசா மக்கள் சேவை மையத்தின் முன்புற வளாகத்தில் தீபாவளி திறந்த இல்ல உபசரிப்பு நிகழ்ச்சி வெகு விமரிசையாக நடைபெற்றது. அரசியல் பிரமுகர்கள் பலரும் இதில் கலந்து சிறப்பித்தனர்.

-மவித்திரன்