பள்ளிவாசல்களில் ஜும்மா உரைக்கு முன் அனுமதி: சத்தீஸ்கர் வக்பு வாரியம்

புது டெல்லி: 

பாஜக ஆளும் சத்தீஸ்கர் மாநிலத்தில் உள்ள பள்ளிவாசல்களில் ஜும்மா உரைக்கு முன்அனுமதி பெற வேண்டும் என்று அந்த மாநில வக்ஃப் வாரியம் உத்தரவிட்டுள்ளது.

இந்தியாவில் மசூதிகளுக்கு இதுபோன்ற உத்தரவு பிறப்பிக்கப்படுவது இதுவோ முதன்முறையாகும்.

பள்ளிவாசல்களில் வெள்ளிக் கிழமைதோறும் நடைபெறும் ஜும்மா தொழுகைக்கு முன்பு இமாம்கள் ஆற்றும் உரைகளில் அரசியல் சாயம் இருக்கக் கூடாது.  

சில பள்ளிவாசல்களில் அரசியல் கட்சிக்கு ஆதரவு பேசப்படுகிறது. பள்ளிவாசல்கள் மத ரீதியிலான நடவடிக்கைகளில் மட்டுமே ஈடுபட வேண்டுமே தவிர அரசியல் அமைப்பாக இருக்கக் கூடாது என்று சத்தீஸ்கர் மாநில வக்ஃப் வாரியத் தலைவர் சலீம் ராஜ் தெரிவித்தார்.

- ஆர்யன்