லா லீகா கால்பந்துப் போட்டி: ரியால்மாட்ரிட் வெற்றி

மாட்ரிட்:

லா லீகா கால்பந்துப் போட்டியில் ரியால்மாட்ரிட் அணியினர் வெற்றி பெற்றனர்.

சாந்தியாகோ பார்னபவ் அரங்கில் நடைபெற்ற ஆட்டத்தில் ரியால்மாட்ரிட் அணியினர் ஓசாசுனா அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய ரியால்மாட்ரிட் அணியினர் 4-0 என்ற கோல் கணக்கில் ஓசாசுனா அணியை வீழ்த்தி வெற்றி பெற்றனர்.

ரியால்மாட்ரிட் அணிக்காக அதன் முன்னணி ஆட்டக்காரர் வினிசியஸ் ஜூனியர் ஹாட்ரிக் கோல்களை அடித்தார்.

மற்றொரு கோலை ஜூட் பெலிங்காம் அடித்தார்.

மற்ற ஆட்டங்களில் வில்லாரியல், லெகானஸ் ஆகிய அணிகள் வெற்றி பெற்றன.

- பார்த்திபன் நாகராஜன்