வக்பு மசோதா தலைவர் மீது எதிர்க்கட்சிகள் புகார்

புது டெல்லி:

வக்பு மசோதா நாடாளுமன்ற கூட்டுக் குழுவின்  தலைவரும் பாஜக எம்.பி.யுமான ஜெகதாம்பிகா பால் தன்னிச்சையாக முடிவு  எடுப்பதாக எதிர்க்கட்சி எம்.பி.க்கள் சபாநாயகரிடம் புகார் அளித்தனர்.

எதிர்க்கட்சி எம்பிக்கள் குழுவில் காங்கிரஸின் முகமது ஜாவேத், இம்ரான் மசூத், திமுக எம்.பி. ஆ.ராசா, திரிணமூல் காங்கிரஸ் எம்.பி கல்யாண் பானர்ஜி, ஆம் ஆத்மி எம்.பி. சஞ்சய் சிங், அகில இந்திய மஜ்லீஸ் எம்.பி. அசாதுதீன் ஒவைசி ஆகியோர் இடம்பெற்றனர்.

சபாநாயகர்  ஓம் பிர்லாவிடம் புகார் மனு அளிக்கப்பட்டது.

அந்த மனுவில், குழுவின் கூட்டம் எத்தனை நாள்கள் நடத்துவது உள்பட பல்வேறு  முடிவுகள் தன்னிச்சையாக தலைவர் ஜெதாம்பிகா பால் எடுப்பதாக எதிர்க்கட்சி எம்.பி.க்கள் குற்றம்சாட்டியுள்ளனர்.

முக்கிய முடிவுகளை எடுப்பதற்கு முன் குழு உறுப்பினர்களுடன் முறையாக தலைவர் கலந்து ஆலோசிக்க உத்தரவிட வேண்டும் என்று  சபாநாயகரிடம் அளிக்கப்பட்ட கடிதத்தில் தெரிவிக்கப்பட்டுள்ளது.

நவம்பர் 25ம் தேதி தொடங்கும்  நாடாளுமன்ற குளிர்கால கூட்டத்தொடரில் வக்பு திருத்த மசோதா குறித்த  அறிக்கையை நாடாளுமன்ற கூட்டுக் குழு தாக்கல் செய்யும் என எதிர்பார்க்கப்படுகிறது.

- ஆர்யன்