அஜித்தின் ஆலுமா டோலுமா பாடல் வார்த்தையை கடவுச் சொல்லாக கூறி போதைப் பொருள் கூடாரத்திற்கு நுழையும் போதைப் பித்தர்கள்

உலு லங்காட்:

அஜித்தின் ஆலுமா டோலுமா பாடல் வார்த்தையை கடவுச் சொல்லாக கூறி போதைப் பொருள் கூடாரத்திற்கு போதைப் பித்தர்கள் நுழைந்து வருவது அதிகாரிகளின் சோதனையில் அம்பலமாகியுள்ளது.

உலு லங்காட்டில் உள்ள சீன சுடுகாட்டில் தேசிய போதைப்பொருள் தடுப்புத் துறை அதிகாரிகள் அதிரடி சோதனை மேற்கொண்டனர்.

இச் சோதனையில் அச்சுடுகாடு போதைப் பொருள் கூடாரமாக பயன்படுத்தப்பட்டு வந்தது அம்பலமாகியுள்ளது.

மேலும் இச் சோதனையில் கிட்டத்தட்ட 43 பேரை அதிகாரிகள் கைது செய்துள்ளனர் என்று அவ் விலாகாவின் இயக்குநர் டத்தோ ருஸ்லின் ஜூசோ கூறினார்.

சோதனையின் போது சுவாரஸ்யமான ஒரு விஷயத்தை அதிகாரிகள் கண்டறிந்தனர்.

அதாவது சம்பந்தப்பட்ட போதைப் பொருள் கூடாரத்தில் நுழைய போதைப் பித்தர்கள் ஆலுமா டோலுமா எனும் வார்த்தையை கடவுச் செல்லாக பயன்படுத்தி வந்துள்ளனர்.

நடிகர் அஜித் நடித்த வேதாளம் திரைப்படத்தில் உள்ள பாடல் வரி இதுவாகும் என்பது குறிப்பிடத்தக்கது.

- பார்த்திபன் நாகராஜன்