ஆம்புலன்ஸை தவறாக பயன்படுத்திய ஒன்றிய அமைச்சர் சுரேஷ் கோபி மீது கேரள போலீஸ் வழக்கு

திருச்சூர்: 

திருச்சூரில் நடைபெற்ற பூரம் திருவிழாவில் கூட்ட நெரிசலில் இருந்து தப்பிக்க ஆம்புலன்ஸில் வந்து இறங்கிய நடிகரும், ஒன்றிய சுற்றுலாத் துறை  இணையமைச்சர் சுரேஷ் கோபி மீது கேரள போலீஸார் வழக்குப் பதிவு செய்துள்ளனர்.

திருச்சூர் தொகுதியில் பாஜக சார்பில் போட்டியிட்டு சுரேஷ் கோபி வெற்றி பெற்றார்.

கடந்த ஏப்ரல் மாதம் திருச்சூரில் நடைபெற்ற பூரம் திருவிழாவில் பங்கேற்பதற்காக சேவா பாரதி அமைப்பின் ஆம்புலன்ஸ் வாகனத்தில் சுரேஷ் கோபி வந்து இறங்கினார்.

மருத்துவ அவசரப் பயன்பாட்டுக்கான ஆம்புலன்ஸ் வாகனத்தை அவர் தவறாகப் பயன்படுத்தியுள்ளார் என்று இந்திய கம்யூனிஸ்ட் நிர்வாகி சார்பில் காவல் துறையில் புகார் அளிக்கப்பட்டது.

இதையடுத்து திருச்சூர்  போலீஸார் வழக்குப் பதிவு செய்தனர்.

- ஆர்யன்