டெஸ்லா கார் தீப்பிடித்தது:  நான்கு பேர் பலி

பாரீஸ்: 

சனிக்கிழமை இரவு பாச்சிம் பிரான்சில், நியோர்ட் நகரை அடுத்த பகுதியில் டெஸ்லா மின்சார கார் தீப்பிடித்து ஏற்பட்ட விபத்தில் நான்கு பேர் பரிதாபமாக உயிரிழந்தனர். 

இதில் காரை ஓட்டியவரும், அருகாமையில் இருக்கும் மெல் பகுதியிலுள்ள உணவகத்தில் வேலை செய்த மூன்று பணியாளர்களும் உயிரிழந்துள்ளனர் என்று காவல் துறையின் நெருக்கமான ஒரு வட்டாரம் தெரிவித்தது.

விபத்து பற்றிய விசாரணை தொடங்கப்பட்டுள்ளதாக அதிகாரிகள் தெரிவித்துள்ளனர். “விபத்துக்கான காரணங்கள் மற்றும் சூழ்நிலைகளை கண்டறியவும், வாகனத்தைப் பற்றிய நுட்ப ஆய்வுக்கான ஆலோசனையும் மேற்கொள்ளப்படும்,” எனக் கூறப்பட்டுள்ளது

முன்னோடியான தகவல்களின் படி, கார் உயர்ந்த வேகத்தில் சாலைக்குறிகள் மீது மோதியது காரணமாக தீ விபத்து ஏற்பட்டது. மீட்புக் குழுவினர் சம்பவ இடத்துக்கு சென்றபோது, காரில் இருந்த அனைவரும் உயிரிழந்திருந்ததாக போலீசார் தெரிவித்தனர்.

எலான் மஸ்க் நிறுவிய டெஸ்லா கார், பாதுகாப்பு குறைபாடுகள் குறித்து அடிக்கடி விமர்சனங்களுக்கு உள்ளாகியிருக்கிறது. கடந்ர்க ஏப்ரல் மாதம், சிலிக்கான் வேலியில் ஒரு இன்ஜினியர் டெஸ்லா Model X கார் விபத்தில் உயிரிழந்தபோது, அந்த வழக்கு சமரசமாக முடிக்கப்பட்டது. 

அதில், டெஸ்லாவின் அட்டோபைலட் செயலியை பயன்படுத்தியபோது கார் கான்கிரீட் median மீது மோதி விபத்துக்குள்ளானது.

கடந்த டிசம்பர் மாதத்தில், அமெரிக்கா மற்றும் கனடாவில் 2 மில்லியனுக்கும் மேற்பட்ட டெஸ்லா வாகனங்கள் திரும்பப் பெறப்பட்டன. அட்டோபைலட் சாஃப்ட்வேர் மற்றும் அதனால் ஏற்படும் விபத்து அபாயங்கள் குறித்து அமெரிக்க தேசிய கட்டுப்பாட்டு அமைப்பு எச்சரித்தது குறிப்பிடத்தக்கது.

- சாமூண்டிஸ்வரி