உலகில் மிகவும் செல்வாக்குமிக்க 500 முஸ்லிம்களின் பட்டியலில் பிரதமர் அன்வார் 15ஆவது இடத்தில் உள்ளார்

கோலாலம்பூர்:

பிரதமர் டத்தோஸ்ரீ அன்வார் இப்ராஹிம் உலகின் செல்வாக்கு மிக்க 500 முஸ்லிம்களின் பட்டியலில் 15ஆவது இடத்தில் உள்ளார்.

2025ஆம் ஆண்டுக்கான முஸ்லிம் 500 பதிப்பானது தி ராயல் இஸ்லாமிய வியூக ஆய்வு மையத்தால்  வெளியிடப்பட்டது.

இது ஜோர்டானின் அம்மானைத் தலைமையிடமாகக் கொண்ட ராயல் அல் அல்-பைட் இன்ஸ்டிடியூட் ஆஃப் இஸ்லாமிய சிந்தனையால் நிதியளிக்கப்பட்ட ஒரு சுயாதீன ஆராய்ச்சி மையமாகும்.

தலைவர்கள், அரசியல்வாதிகள் பிரிவில் டத்தோஶ்ரீ அன்வார் ஒன்பதாவது இடத்தில் உள்ளார்.

இந்த பட்டியலில் ஜோர்டானின் மன்னர் அப்துல்லாவை முதல் இடத்தில் உள்ளார்.

அதைத் தொடர்ந்து டார் அல் முஸ்தபாயின் இயக்குநரும் உலாமாவுமான தாரிம் ஷேக் அல்-ஹபீப் உமர் பின் ஹஃபிஸ், கட்டார் எமிர் ஷேக் தமீம் பின் ஹமத் அல் தானி, ஈரானின் உச்ச தலைவர் அயதுல்லா சயீத் அலி கமேனி, சவுதி அரேபியாவின் மன்னர் சல்மான் ஆகியோரும் அப்பட்டியலில் உள்ளனர்.

- பார்த்திபன் நாகராஜன்