ஐரோப்பிய சாம்பியன் லீக்: அர்செனல், மென்செஸ்டர் சிட்டி அதிரடி

லண்டன்:

ஐரோப்பிய சாம்பியன் லீக் கால்பந்துப் போட்டியில் அர்செனல், மென்செஸ்டர் சிட்டி அணிகள் அதிரடி வெற்றியை பதிவு செய்தன.

எமிரேட்ஸ் அரங்கில் நடைபெற்ற ஆட்டத்தில் அர்செனல் அணியினர் பிஎஸ்ஜி அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய அர்செனல் அணியினர் 2-0  என்ற கோல் கணக்கில் பிஎஸ்ஜி அணியை வீழ்த்தி வெற்றி பெற்றனர்.

அர்செனல் அணியின் வெற்றி கோல்களை  காய் ஹாவர்ட்ஸ், புகாயோ சகா ஆகியோர் அடித்தனர்.

மற்றொரு ஆட்டத்தில் மென்செஸ்டர் சிட்டி அணியினர் 4-0 என்ற கோல் கணக்கில் சுலோவன் பிராஸ்திலாவா அணியை வீழ்த்தி வெற்றி பெற்றனர்.

பார்சிலோனா அணியினர் 5-0 என்ற கோல் கணக்கில் யங் போய்ஸ் அணியை வீழ்த்தி வெற்றி பெற்றனர்.

மற்ற ஆட்டங்களில் புரோசியா டோர்ட்மண்ட், இந்தர்மிலான், பாயர் லெவர்குசன் உட்பட பல அணிகள் வெற்றி பெற்றன.

- பார்த்திபன் நாகராஜன்