சமூக ஊடகங்களில் அழகை அதிகரித்துக் காட்டும் Filters அடுத்தாண்டு முதல் நீக்கப்படும்: மெட்டா தகவல்

வாஷிங்டன்:

இன்ஸ்டாகிராம், முகநூல், புலனம் ஆகிய சமூக ஊடகங்களில்  அழகை அதிகரித்துக் காட்டும் Filters அடுத்தாண்டு முதல் நீக்கப்படும் என மெட்டா நிறுவனம் கூறியது.

அடுத்தாண்டு ஜனவரி முதல் இந்த நடவடிக்கை மேற்கொள்ளப்படவுள்ளதையும் மெட்டா உறுதிப்படுத்தியுள்ளது. 

உண்மைக்கு மாறான தோற்றத்தைப் பார்க்கும் போது, இளம் பெண்களுக்கு உடல் அமைப்பு குறித்த மன அழுத்தம் அதிகரிப்பதால் இந்நடவடிக்கை மேற்கொள்ளப்படவுள்ளதாக மெட்டா குறிப்பிட்டது. 

புலனம், முகநூல், இன்ஸ்டாகிராம் போன்ற சமூக ஊடகத் தளங்களில் இரண்டு மில்லியனுக்கும் அதிகமான பயனர்கள் இதுவரை  Filters பயன்படுத்தி வருகின்றனர். 

- அஸ்வினி செந்தாமரை