செப்டம்பர் 20-ஆம் தேதி முதல் iPhone 16-யைப் பொதுமக்கள் வாங்கலாம்

கோலாலம்பூர்:

ஆப்பிள் நிறுவனம் நேற்று தனது புதிய ரக  iPhone 16 -யை வெளியீடு செய்த நிலையில் பொதுமக்கள் இம்மாதம் செப்டம்பர் 20-ஆம் தேதி  அப்புதிய கைப்பேசியைக் கடைகளில் வாங்கிக் கொள்ளலாம். 

வரும் செப்டம்பர் 13-ஆம் தேதி முதல் iPhone 16 -யை வாங்குவதற்கு முன்பதிவு செய்து கொள்ளலாம்.

இந்த வெளியீட்டு நிகழ்ச்சியில் அந்நிறுவனம் புதிய iPhone 16 ரகங்கள், Apple Watch கைக்கடிகாரம், Airpods ஆகியவற்றை அறிமுகம் செய்தது.

அதன் புதிய iPhone 16 சாதனங்களில் AI எனப்படும் செயற்கை நுண்ணறிவுத் தொழில்நுட்ப அம்சங்கள் இருக்கும் என்றும் தெரிவிக்கப்பட்டது.

iPhone 16 கைப்பேசி 7000  வெள்ளியிலிருந்து விற்பனையாகும்.

Apple நிறுவனத்தின் போட்டியாளரான Huawei நிறுவனம் அதன் புதுரகத் கைப்பேசியை இன்று செப்டம்பர் 10-ஆம் தேதி சீனாவில் அறிமுகம் செய்யவிருக்கின்றது.

- அஸ்வினி செந்தாமரை