ஐரோப்பிய தேசிய லீக் கிண்ணம்: போர்த்துகல் வெற்றி

லிஸ்பன்:

ஐரோப்பிய தேசிய லீக் கிண்ண கால்பந்துப் போட்டியில் போர்த்துகல் அணியினர் வெற்றி பெற்றனர்.

டா லூயிஸ் அரங்கில் நடைபெற்ற ஆட்டத்தில் போர்த்துகல் அணியினர் ஸ்காட்லாந்து அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய போர்த்துகல் அணியினர் 2-1 என்ற கோல் கணக்கில் ஸ்காட்லாந்து அணியை வீழ்த்தி வெற்றி பெற்றனர்.

போர்த்துகல் அணியின் வெற்றி கோல்களை புருனோ பெர்னாண்டஸ், கிறிஸ்டியானோ ரொனால்டோ ஆகியோர் அடித்தனர்.

மற்றொரு ஆட்டத்தில் ஸ்பெயின் அணியினர் 4-1 என்ற கோல் கணக்கில் சுவிட்ஸர்லாந்து அணியை வீழ்த்தி வெற்றி பெற்றன.

மற்ற ஆட்டங்களில் குரோஷியா, சுவீடன் உட்பட பல அணிகள் வெற்றி பெற்றன.

- பார்த்திபன் நாகராஜன்