ஆஸ்திரேலிய ஓபன் டென்னிஸ் தொடர் இன்று தொடங்குகிறது 

மெல்பெர்ன்:

ஆண்டின் முதல் கிராண்ட் ஸ்லாம் டென்னிஸ் தொடரான ஆஸ்திரேலிய ஓபன் மெல்பர்ன் பார்க்கில் இன்று தொடங்குகிறது. 

இதில் ஆடவர் ஒற்றையர் பிரிவு நடப்பு சாம்பியனான இத்தாலியின் ஜன்னிக் சின்னர், 10 முறை சாம்பியனான செர்பியாவின் நோவாக் ஜோகோவிச், ரஷ்யாவின் டேனியல் மேத்வதேவ், அமெரிக்காவின் டெய்லர் பிரிட்ஸ், ஆஸ்திரேலியாவின் அலெக்ஸ் டி மினார், ஸ்பெயினின் கார்லோஸ் அல்கராஸ், ஜெர்மனியின் அலெக்சாண்டர் ஜிவரேவ் உள்ளிட்ட முன்னி வீரர்கள் களமிறங்குகின்றனர்.

போட்டியின் முதல் நாளான ஆடவர் ஒற்றையர் பிரிவில் நடைபெறும் முதல் சுற்று ஆட்டத்தில் 2-ம் நிலை வீரரான ஜெர்மனியின் அலெக்ஸாண்டர் ஜிவேரேவ், வைல்டு கார்டு வீரரான பிரான்ஸின் லூகாஸ் பவுலியுடன் பலப்பரீட்சை நடத்துகிறார். 

6-ஆம் நிலை வீரரான நார்வேயின் காஸ்பர் ரூடு, ஸ்பெயினின் ஜாமே முனாருடன் மோதுகிறார்.

மகளிர் ஒற்றையர் பிரிவில் நடப்பு சாம்பியனான பெலாரஸின் அரினா சபலென்கா, 2-ஆம் நிலை வீராங்கனையான போலந்தின் இகா ஸ்வியாடெக், அமெரிக்காவின் கோ கோ காஃப், முன்னாள் சாம்பியனான அமெரிக்காவின் சோபியா கெனின், இத்தாலியின் ஜாஸ்மின் பவ்லினி, சீனாவின் செங் கின்வென் உள்ளிட்ட முன்னணி வீரர், வீராங்கனைகள் கலந்து கொள்கின்றனர்.

- ஆர்யன்