ஏஆர் ரஹ்மான் இசை நிகழ்ச்சியை முன்னிட்டு எல்ஆர்டி ரயில் சேவை அதிகாலை 1 மணி வரை நீட்டிக்கப்பட்டுள்ளது

கோலாலம்பூர்:

ஏஆர் ரஹ்மான் இசை நிகழ்ச்சியை முன்னிட்டு புக்கில் ஜாலிலுக்கான எல்ஆர்டி ரயில் சேவை அதிகாலை 1 மணி வரை நீட்டிக்கப்பட்டுள்ளது.

பிரசரானா மலேசியா பெர்ஹாட் நிறுவனம் ஓர் அறிக்கையின் வாயிலாக இதனை உறுதிப்படுத்தியது.

உலக புகழ் பெற்ற இசைப்புயல் ஏஆர் ரஹ்மானின் இசை நிகழ்ச்சி இன்று இரவு 8 மணிக்கு புக்கிட் ஜலில் தேசிய விளையாட்டு அரங்கில் நடைபெறவுள்ளது.

கிட்டத்தட்ட 60 ஆயிரத்திற்கும் மேற்பட்ட ரசிகர்கள் இன்று புக்கிட் ஜலில் அரங்கில் கூடவுள்ளனர்.

இந்த இசை நிகழ்ச்சிக்கு வரும் ரசிகர்களின் வசதிக்காக எல்ஆர்டி ரயில் சேவை நாளை அதிகாலை 1 மணி வரை நீட்டிக்கப்பட்டுள்ளது

வாடிக்கையாளர்கள் தங்கள் இறுதி இலக்கை நோக்கி தங்கள் பயணத்தைத் தொடர அனுமதிக்க அனைத்து நிலையங்களின் செயல்பாடும் நீட்டிக்கப்படும் என்று பிரசரனா கூறியது.

- பார்த்திபன் நாகராஜன்