யூரோ கிண்ண கால்பந்துப் போட்டி: இங்கிலாந்து வெற்றி

முனிச்:

யூரோ கிண்ண கால்பந்துப் போட்டியில் இங்கிலாந்து அணியினர் வெற்றி பெற்றனர்.

ஆவ்ஸ்ஷாக்கல் அரங்கில் நடைபெற்ற ஆட்டத்தில் இங்கிலாந்து அணியினர் செர்பியா அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய இங்கிலாந்து அணியினர் 1-0 என்ற கோல் கணக்கில் செர்பியா அணியை வீழ்த்தி வெற்றி பெற்றனர்.

இங்கிலாந்து அணியின் வெற்றி கோலை ஆட்டத்தின் 13ஆவது நிமிடத்தில் ஜூட் பெலிங்காம் அடித்தார்.

மற்றொரு ஆட்டத்தில் நெதர்லாந்து அணியினர் 2-1 என்ற கோல் கணக்கில் போலந்து அணியை வீழ்த்தி வெற்றி பெற்றனர்.

டென்மார்க் அணியினர் 1-1 என்ற கோல் கணக்கில் சுலோவேனியா அணியுடன் சமநிலை கண்டனர்.

- பார்த்திபன் நாகராஜன்