மலேசிய இந்து சங்கத்திற்கு ஶ்ரீ மகா மாரியம்மன் தேவஸ்தானம் நிதியுதவி: டான்ஶ்ரீ நடராஜா வழங்கினார்

கோலாலம்பூர்:

மலேசிய இந்து சங்கத்திற்கு ஶ்ரீ மகா மாரியம்மன் தேவஸ்தானம் சார்பில் 10 ஆயிரம் ரிங்கிட் நிதியுதவி வழங்கப்பட்டது.

தேவஸ்தானத்தின் தலைவர் டான்ஶ்ரீ  நடராஜா அந்நிதிக்கான காசோலையை  இந்து சங்கத் தலைவர் தங்க கணேசனிடம் வழங்கினார்.

தலைநகர் கோர்ட்டுமலை பிள்ளையார் ஆலயத்தின் கும்பாபிஷேகம் அடுத்தாண்டு நடைபெறவுள்ளது.

இதனை முன்னிட்டு திருப்பணி சிறப்பு பூஜையுடன் ஞாயிற்றுக்கிழமை நடைபெற்றது.

இந்நிகழ்வில் முக்கிய அங்கமாக மலேசிய இந்து சங்கத்திற்கு இந்த நிதியுதவி வழங்கப்பட்டது.

ஶ்ரீ மகா மாரியம்மன் தேவஸ்தானத்திடம் உதவிக் கோரும் அமைப்புகளுக்கு தொடர்ந்து இதுபோன்று உதவிகள் வழங்கப்பட்டு வருகிறது.

வரும் காலங்களில் இது தொடரும் என்று டான்ஶ்ரீ நடராஜா கூறினார்.

- பார்த்திபன் நாகராஜன்