கார்த்திக் சுப்புராஜ்- சூர்யா கூட்டணியில் சூர்யா 44 படம்: டீசர் & படத்தின் தலைப்பு விரைவில் வெளியாகும் 

சென்னை: 

இயக்குநர் கார்த்திக் சுப்புராஜ்- சூர்யா கூட்டணியில் அறிவிக்கப்பட்ட சூர்யா 44ஆவது படத்தின் தலைப்பு டீசர் மூலமாக வெளியிட்டு அறிவிக்கலாம் என்று படக்குழுவினர் முடிவு செய்துள்ளதாக தகவல்கள் வெளியாகியுள்ளன. 

இந்நிலையில், இந்த அறிவிப்பு விரைவில் வெளியாகும் என்று சொல்லப்படும் நிலையில் அடுத்த மாதம் சூர்யா 44ஆவது படத்தின் படப்பிடிப்பு அந்தமானில் துவங்கும் என்று கார்த்திக் சுப்புராஜ் தரப்பு தெரிவித்தது. 

நடிகர் சூர்யா நடிப்பில் உருவாகியுள்ள கங்குவா திரைப்படம் எப்போது வெளியாகும் என்று அறிவிப்பு வெளியாகாத  நிலையில் இயக்குநர் சுதா கொங்கராவின் புறநானுறு படத்தில் இணைந்தார். 

இருப்பினும், அப்படம் தாமதமாகும் என்று 2டி நிறுவனம் அறிவித்த நிலையில் நடிகர் சூர்யா தற்போது இயக்குநர் கார்த்திக் சுப்புராஜுடன் இணைந்துள்ளார்.

-மவித்திரன்