நடிகர் அஜித்குமார் நடித்துவரும் குட் பேட் அக்லி திரைப்படம்: இரண்டாம் கட்ட படப்பிடிப்புக்காக ரஷ்யா செல்லும் படக்குழுவினர் 

சென்னை: 

நடிகர் அஜித்குமார்- இயக்குநர் ஆதிக் ரவிசந்திரன் கூட்டணியில் உருவாகி வரும் குட் பேட் அக்லி திரைப்படத்தின் படப்பிடிப்பு இரண்டாம் கட்டத்தை நெருங்கி கொண்டிருப்பதாக தகவல்கள் வெளியாகியுள்ளன. 

தற்போது ஹைதரபாத்தில் நடிகர் அஜித்குமார் சம்பந்தப்பட்ட படக்காட்சிகளைப் படக்குழுவினர் எடுத்து வரும் நிலையில் அடுத்த கட்ட படப்பிடிப்புக்காக படக்குழுவினர் ரஷ்யா செல்லவுள்ளனர் என்று தெரிவிக்கப்பட்டுள்ளது. 

மைத்ரி மூவி தயாரிப்பு நிறுவனம் தயாரிக்கும் இந்த படம் அடுத்தாண்டு பொங்கலுக்கு வெளியாகும் என்று மே 1ஆம் தேதி நடிகர் அஜித்குமார் பிறந்தநாளை முன்னிட்டு அறிவித்தது. 

நடிகர் அஜித்குமார் 62ஆவது படமான விடாமுயற்சி படம் குறித்த எந்தவொரு தகவல்களும் லைக்கா நிறுவனம் சார்பாக இதுவரை வெளியிடப்படவில்லை. இருப்பினும், நீண்ட இடைவெளிக்குப் பிறகு விடாமுயற்சி படத்தின் படப்பிடிப்பு மீண்டும் தொடங்கும் என்று எதிர்பார்க்கப்படுகிறது. 

விடாமுயற்சி படத்தை இயக்குநர் மகிழ் திருமேனி இயக்கும் நிலையில் அனிருத் இசையமைக்கிறார்.

-மவித்திரன்