மலேசியாவிலிருந்து சென்னைக்கு கடத்தப்பட்ட அபூர்வ வகை ஆமைக் குஞ்சுகள்

சென்னை:

மலேசியாவில் இருந்து சென்னைக்கு விமானத்தில் கடத்தி வரப்பட்ட அபூர்வ வகை ஆமைக் குஞ்சுகள் பறிமுதல் செய்யப்பட்டன. 

சுங்க சோதனைக்கு பின் கேட்பாரற்று கிடந்த 2 சூட்கேஸ்களை, அதிகாரிகள் கைப்பற்றி சோதனை நடத்தினர். 

அதில் சுமார் ஐந்தாயிரம் சிவப்பு காதுகள் கொண்ட, நட்சத்திர ஆமைக் குஞ்சுகள் இருப்பது கண்டறியப்பட்டது.

ஆமைக் குஞ்சுகளை கைப்பற்றிய அதிகாரிகள், மீண்டும் மலேசியாவுக்கு அனுப்பி வைக்கும் முயற்சியில் ஈடுபட்டு வருகின்றனர்.

- பார்த்திபன் நாகராஜன்