கேன்டிடேட் செஸ் போட்டி: குகேஷ்- ரஷிய வீரர் மோதிய 10-ஆவது சுற்று டிரா ஆனது

டொரொன்டோ:

கேன்டிடேட் செஸ் போட்டி கனடாவில் உள்ள டொரான்டோ நகரில் நடைபெற்று வருகிறது. 

இதில் இந்தியா சார்பில் 5 பேர் பங்கேற்றுள்ளனர்.

14 சுற்றுகளைக் கொண்ட இந்தப் போட்டி தொடரின் 10-ஆவது சுற்று நேற்று நடந்தது.

சென்னையைச் சேர்ந்த கிராண்ட்மாஸ்டர் டி. குகேஷ் இந்தச் சுற்றில் ரஷ்யாவைச் சேர்ந்த இயன் நெபோம்னியாச்சியை எதிர் கொண்டார்.

40-ஆவது காய் நகர்த்தலுக்கு பிறகு இந்த ஆட்டம் டிரா ஆனது. இருவரும் இந்தத் தொடரில் ஏற்கனவே மோதிய ஆட்டமும் டிராவில் முடிந்து இருந்தது.

10 சுற்றுகள் முடிவில் குகேசும், இயன் நெபோம்னி யாச்சியும் தலா 6 புள்ளி களுடன் முன்னிலையில் உள்ளனர். இன்னும் 4 சுற்றுகளே எஞ்சியுள்ளன.

மற்றொரு சென்னை கிராண்ட் மாஸ்டரான பிரக்ஞானந்தா 10-வது ரவுண்டில் சக நாட்டவரான விதித் குஜராத்தியுடன் மோதினார். இந்த ஆட்டமும் டிரா ஆனது.

பிரக்ஞானந்தா 5.5 புள்ளிகளுடன் 3 முதல் 5-ஆவது இடங்களிலும், விதித் குஜராத்தி 5 புள்ளிகளுடன் 6-ஆவது இடத்திலும் உள்ளனர்.

மற்ற ஆட்டங்களில் ஹிகாரு நகமுரா , பேபி யானோ (இருவரும் அமெ ரிக்கா) வெற்றி பெற்றனர். அவர்கள் முறையே நிஜாத் அப்சோவ் (அ ஜர்பைஜான்), அலிரேசா பிரவுசியா (பிரான்ஸ்) ஆகியோரைத் தோற்கடித்தனர்.

பெண்கள் பிரிவில் பிரக் ஞானந்தா சகோதரி வைஷாலி பல்கேரியாவை சேர்ந்த நூர்சியுல் சலிமோ வாவை 10-ஆவது சுற்றில் எதிர் கொண்டார்.

இதில் வைஷாலி வெற்றி பெற்றார். அவரை 2-ஆவது முறையாக வீழ்த்தியுள்ளார்.

மற்றொரு இந்திய வீராங்கனை ஹம்பி சீன வீராங்கனை டான் ஜோங்கியுடன் மோதிய ஆட்டம் டிரா ஆனது.

10 சுற்றுகள் முடிவில் ஹம்பி 4.5 புள்ளியுடன் 5-ஆவது இடத்திலும், வைஷாலி 3.5 புள்ளியுடன் 8-ஆவது இடத்திலும் உள்ளனர்.

- அஸ்வினி செந்தாமரை