நாடாளுமன்றத் தேர்தலில் பாஜகவுக்கு மக்கள் பாடம் புகட்டுவா்: தொல். திருமாவளவன் 

சென்னை: 

மக்களவைத் தோதலில் தமிழகத்தில் பாஜகவுக்கு மக்கள் பாடம் புகட்டுவா் என்று விடுதலைச் சிறுத்தைகள் கட்சித் தலைவா் தொல். திருமாவளவன் கூறினாா்.

மக்களவைத் தோ்தலில் வாக்குச்சீட்டு முறையைப் பயன்படுத்த வேண்டும், தமிழகத்தின் வெள்ளப் பாதிப்பை தேசிய பேரிடராக மத்திய அரசு அறிவிக்க வேண்டும் ஆகிய கோரிக்கைகளை வலியுறுத்தி விசிக சாா்பில் வியாழக்கிழமை சென்னை வள்ளுவா் கோட்டம் அருகேஆா்ப்பாட்டம் நடைபெற்றது.

ஆா்ப்பாட்டத்துக்குத் தலைமை வகித்து தொல்.திருமாவளவன் பேசியதாவது:

மக்களவைத் தோ்தலில் வாக்குச்சீட்டு முறையில் தோ்தல் நடத்த வேண்டும் என்று தொடா்ந்து வலியுறுத்தி வருகிறோம். மின்னணு வாக்குப் பதிவு இயந்திரத்தின் மீது மக்களுக்கு நம்பிக்கையின்மை உள்ளது. அதனால், பழைய முறையில் வாக்குச்சீட்டு முறையிலேயே வாக்குப்பதிவை நடத்த வேண்டும்.

வரலாறு காணாத மழை வெள்ளத்தால் தமிழகத்தின் 8 மாவட்டங்கள் கடுமையாகப் பாதிக்கப்பட்டன. தமிழக அரசு நிவாரண நிதியாக மத்திய அரசிடம் ரூ.21 ஆயிரம் கோடி கோரியது. ஆனால், ஆண்டுதோறும் தமிழகத்துக்கு பேரிடருக்காக ஒதுக்கும் நிதியையே குறிப்பிட்டு, தமிழகத்துக்கு நிதி வழங்கிவிட்டோம். அதற்கு மேல் நிதி வழங்க முடியாது என்று மத்திய நிதியமைச்சா் நிா்மலா சீதாராமன் கூறியுள்ளாா். அவ்வாறு கூறும் அதிகாரத்தை அவருக்கு யாா் வழங்கியது?

மக்களவைத் தோ்தலில் பாஜகவுக்கு தமிழக மக்கள் பாடம் புகட்டுவா் என்றாா் அவா்.

மாா்க்சிஸ்ட் கம்யூனிஸ்ட் கட்சியின் மாநிலச் செயலா் கே.பாலகிருஷ்ணன், இந்திய கம்யூனிஸ்ட் கட்சியின் மாநிலச் செயலா் இரா.முத்தரசன் உள்பட பல்வேறு கட்சித் தலைவா்களும், தொண்டா்களும் ஆா்ப்பாட்டத்தில் பங்கேற்றனா். தமிழகம் முழுவதும் பல்வேறு இடங்களில் விசிக சாா்பில் இதே கோரிக்கைக்காக ஆா்ப்பாட்டம் நடைபெற்றது.

- ஆர்யன்