துனீசியா அருகே படகு கவிழ்ந்து 41 அகதிகள் பலி

ரோம்:

துனீசியா அருகே படகு கவிழ்ந்து விபத்துக்குள்ளானதில் அதிலிருந்த 41 அகதிகள் உயிரிழந்தனர்.

வடமேற்கு ஆப்பிரிக்க நாடான துனீசியாவிலிருந்து இத்தாலியைக்கு சென்ற அகதிகள் படகு, சிசிலி நீரிணைப் பகுதியில் கவிழ்ந்து விபத்துக்குள்ளானது.

விபத்துப் பகுதியிலிருந்து 4 பேரை மால்ட்டா நாட்டின் சரக்குக் கப்பலில் இருந்தவர்கள் மீட்டனர்.

2 ஆண், ஒரு பெண், பெரியவர்கள் துணை இல்லாத ஒரு சிறுவர் ஆகிய அந்த 4 பேரும், இத்தாலிய கடலோரக் காவல் படையிடம் ஒப்படைக்கப்பட்டனர்.

அவர்களை சிசிலி தீவான லாம்பெடுஸாவிலுள்ள முகாமுக்கு இத்தாலிய கடலோரக் காவல் படையினர்  அழைத்து வந்தனர்.

கடலில் கவிழ்ந்த படகில் மேலும் 41 பேர் இருந்ததாகவும், அவர்கள் அனைவரும் நீரில் மூழ்கி உயிரிழந்திருந்ததாகவும் அவர்கள் தெரிவித்தனர்.

- ஆர்யன்