செய்திகள் தொழில்நுட்பம்
டிவிட்டர் பெயர், லோகோ மாற்றத்திற்கு காரணம் இது தான் - எலான் மஸ்க் விளக்கம்
மென்லோ பார்க் :
டிவிட்டர் லோகோவை நீலப் பறவையிலிருந்து X ஆக மாற்றுவதற்கான காரணம் குறித்து எலான் மஸ்க் விளக்கம் அளித்துள்ளார். அதன்படி டிவிட்டர் சேவையை தகவல் பரிமாற்றம் மற்றும் வர்த்தக பரிமாற்றங்களை மேற்கொள்வது எனப் பரவலான தளமாக மாற்ற எலான் மஸ்க் முடிவு செய்து இருக்கிறார்.
இதையே அவர் எல்லாவற்றுக்குமான செயலி என்று ஏற்கனவே தெரிவித்திருந்தார்.
நிறுவனத்தின் பெயரை மாற்றிக் கொண்டு, அதே பணிகளை மீண்டும் தொடரும் செயல் இது கிடையாது. 140 வார்த்தைகளில் தகவல் பரிமாற்றம் செய்த காலத்தில் டிவிட்டர் என்ற பெயர் அர்த்தமுள்ளதாக இருந்து வந்தது என்று எலான் மஸ்க் தெரிவித்துள்ளார்.
புதிய X சேவையில் பரிமாற்றம் மற்றும் வர்த்தக பரிமாற்றங்கள் சார்ந்த அம்சங்கள் வழங்கப்படும் என்று டிவிட்டர் நிறுவனத்தின் தலைமை செயலதிகாரி லின்டா யாக்கரினோ தெரிவித்துள்ளார்.
மேலும், எலான் மஸ்க் டிவிட்டரில் மேற்கொண்ட நடவடிக்கைகள் அனைத்தையும் கடந்து, விளம்பரதாரர்கள் மற்றும் பயனர்கள் நம்பிக்கையை மீட்டெடுக்கும் பொறுப்பை லின்டா யாக்கரினோ ஏற்றிருக்கிறார்.
டிவிட்டரின் விளம்பர வருவாய் பாதியாகக் குறைந்து இருப்பதாக எலான் மஸ்க் சமீபத்தில் தெரிவித்து இருந்தார். டிவிட்டரின் நேரடி போட்டியாளரான மெட்டா பிளாட்பார்ம்ஸ் இன்ஸ்தாகிரெம் நிறுவனம் சமீபத்தில் தான் திரெட்ஸ் பெயரில் புதிய செயலியை வெளியிட்டு இருக்கிறது.
இந்நிலையில், டிவிட்டர் தளத்தை ரிபிரான்டு செய்யும் நடவடிக்கை காரணமாக, டிவிட்டர் தளம் மீதான கவனம் தற்போது அதிகரித்து வருகின்றது. எனினும், இந்த நடவடிக்கை காரணமாக டிவிட்டர் நிறுவனத்தின் பிரான்டு மதிப்பில் பல பில்லியன் டாலர்கள் இழப்பு ஏற்பட்டுள்ளது.
ஏராளமான சீனர்கள் பயன்படுத்தி வரும் விசாட் ஆப் பற்றி எலான் மஸ்க் பேசி இருக்கிறார். டென்சென்ட் ஹோல்டிங்ஸ் லிமிடெட் உருவாக்கியிருக்கும் விசாட் ஆப் மெசேஜிங், ஆன்லைன் நிதி சேவைகள் மற்றும் நுகர்வோர் கடன் என எல்லாவற்றுக்குமான செயலியாகலிருந்து வருகிறது.
எனினும், எலான் மஸ்க் X செயலியை எப்படி உருவாக்க நினைத்திருக்கிறார் என்பது பற்றி எந்த தகவலும் இல்லை.
- அஸ்வினி செந்தாமரை
தொடர்புடைய செய்திகள்
April 17, 2024, 10:35 am
செல்போன் டவருக்குப் பதிலாக செயற்கைகோள் மூலம் கைப்பேசிகளை இயக்கும் சோதனையில் சீனா வெற்றி
April 14, 2024, 8:56 pm
விண்வெளிக்கு சுற்றுலா செல்கிறார் இந்தியர்
April 4, 2024, 6:50 am
இந்தியா உட்பட உலக அளவில் வாட்ஸ்அப் சேவை முடங்கியது
March 15, 2024, 1:11 pm
Open Ai நிறுவனத்தின் விடியோ உருவாக்கும் செய்யறிவு செயலி வருகிறது
March 8, 2024, 5:36 pm
மின்சார வாகனங்களால் காற்று மாசு அதிகம் - ஆய்வில் தகவல்
March 6, 2024, 10:46 am
உலகம் முழுவதும் திடீரென முடங்கிய பேஸ்புக், இன்ஸ்டாகிராம்: பயனர்கள் தவிப்பு
February 28, 2024, 7:30 pm
ரூ.100இல் கேன்சர் தடுப்பு மாத்திரை: டாடா ஆய்வு நிறுவனம் சாதனை
February 24, 2024, 4:32 am
X mail வருகிறது: Gmail சகாப்தம் முடிகிறதா?
February 22, 2024, 5:15 pm