உலகக் கிண்ண கால்பந்துப் போட்டி: செனகலை வீழ்த்தியது நெதர்லாந்து

டோஹா:

கத்தாரில் நடைபெற்று வரும் உலகக் கிண்ண கால்பந்து தொடரில் ஏ பிரிவுக்கான லீக் ஆட்டத்தில் செனகல், நெதர்லாந்து அணிகள் மோதின. 

தொடக்கத்தில் இருந்தே இரு அணி வீரர்களும் கோல் அடிக்க முயற்சித்தனர். ஆனால் முதல் பாதியில் எந்த அணியும் கோல் அடிக்கவில்லை. 

இரண்டாவது பாதியில் நெதர்லாந்து வீரர்கள் போராடினர். ஆட்டத்தின் 84 வது நிமிடத்தில் கோடி கேக்போ ஒரு கோல் அடித்து அசத்தினார்.

ஆட்டம் முடிந்ததும் கூடுதலாக 10 நிமிடம் அளிக்கப்பட்டது. 99வது நிமிடத்தில் நெதர்லாந்தின் டேவி கிளாசன் ஒரு கோல் அடித்தார். 

இதன்மூலம் நெதர்லாந்து அணி 2-0 என்ற கோல் கணக்கில் செனகல் அணியை வீழ்த்தியது.

மற்றோர் ஆட்டத்தில் வேல்ஸ் அணியினர் 1-1 என்ற கோல் கணக்கில் அமெரிக்க அணியுடன் டிரா கண்டனர்.