இலங்கையில் உச்சத்தில் பெட்ரோல் டீசல் விலை: பெட்ரோல் ரூ.254, டீசல் 176 விற்பனை

கொழும்பு:

இலங்கையில் பெட்ரோல் விலை லிட்டருக்கு ரூ.77ம், டீசல் விலை ரூ.55ம் உயர்த்தப்பட்டுள்ளது. இதனால் பெட்ரோல் விலை எப்போதும் இல்லாத வகையில் லிட்டர் ரூ. 254ஆகவும், டீசல் ரூ.176ஆகவும் விற்கப்படுகிறது.

சிலோன் பெட்ரோலியம் நிறுவனத்தின் (சிபிசி) தலைவர் சுமித் விஜேசிங்க கூறுகையில், "கச்சா எண்ணெய் விலை ஏற்றத்தால் கடந்த 10ம் தேதி முதல் டீசல் லிட்டருக்கு ரூ.128 நஷ்டத்திலும், பெட்ரோல் ஒரு லிட்டருக்கு ரூ.80 நஷ்டத்திலும் விற்பனை செய்யப்பட்டு வருகிறது. தற்போது இந்த விலை ஏற்றத்தின் மூலம் இந்த நஷ்டத் தொகையை ஈடு செய்ய முடியும்' என்றார்.

இலங்கையின் ரூபாய் மதிப்பு சுமார் 30 சதவீதம் குறைந்துள்ளது. இலங்கையின் அந்நிய செலாவணி கையிருப்பு வேகமாக குறைந்து வருவதால் இறக்குமதி பொருள்களுக்கு தேவையான தொகையை செலுத்த முடியவில்லை. இதனால் அத்தியாவசிய பொருள்களான பெட்ரோல், டீசல்  காலியாகும் நிலை ஏற்பட்டது.