நம்பகமான தமிழ் சிறப்பு செய்திகள்
image

செய்திகள் மலேசியா

By
|
பகிர்

16ஆவது பொதுத் தேர்தலை எதிர்கொள்வதற்காக தேசியக் கூட்டணியுடன் அரசியல் ஒத்துழைப்புக்கு தேசிய முன்னணி ஒருபோதும் திட்டமிடவில்லை: ஜாஹித்

கோலாலம்பூர்:

16ஆவது பொதுத் தேர்தலை எதிர்கொள்வதற்காக தேசியக் கூட்டணியுடன் ஒரு அரசியல் ஒத்துழைப்பையோ அல்லது புரிந்துணர்வையோ ஏற்படுத்திக்கொள்ள தேசிய முன்னணி ஒருபோதும் திட்டமிடவில்லை.

இருப்பினும், நேற்று நடைபெற்ற 16ஆவது மலாக்கா மாநிலத் தேர்தலில் இரு கூட்டணிகளுக்கும் இடையிலான அரசியல் ஒத்துழைப்பு மீண்டும் வெற்றியைத் தரும் என்று நிரூபிக்கப்பட்டுள்ளது.

ஆக இதன் பின்னர் நேரம் வரும்போது தேசிய முன்னணி, தேசியக் கூட்டணியுடன் விவாதிக்கும் என்று அதன் தலைவர் டத்தோஸ்ரீ டாக்டர் அஹ்மத் ஜாஹித் ஹமிடி கூறினார்.

குறிப்பாக நெகிரி செம்பிலான், மலாக்காவின் விஷயத்தில், நாங்கள் இப்போது ஒரு அரசியல் புரிந்துணர்வு அல்லது உடன்பாட்டை ஏற்படுத்திக்கொண்டிருக்கிறோம்.

நாங்கள் இதற்கு மேல் செல்ல ஒருபோதும் திட்டமிடவில்லை.

ஆனால் நேரம் வந்து, சூழ்நிலை தேவைப்பட்டால், நாங்கள் ஒன்றாக அமர்ந்து பேசுவோம் என்று அவர் கூறினார்.

இன்று பிரிக்பீல்ட்ஸில் பிபிபி கட்சியால் ஏற்பாடு செய்யப்பட்ட தீபாவளி திறந்த இல்ல நிகழ்ச்சியில் கலந்துகொண்ட பிறகு செய்தியாளர்களிடம் அவர் இவ்வாறு கூறினார்.

- பார்த்திபன் நாகராஜன்

தொடர்புடைய செய்திகள்

Copyright © 2026, நம்பிக்கை செய்திகள்

+ - reset