நான் பிரதமராக இருந்திருந்தால், அவர்களைப் பதவி நீக்கம் செய்திருப்பேன்; அமைச்சரவையை மாற்றங்கள்: மொஹைதின்

மலாக்கா:

தன்னுடன் உடன்படாத அமைச்சர்கள் அனைத்து அரசாங்கக் கொள்கைகளையும் முறியடிப்பார்கள் என்று கூறி, பிரதமர் டத்தோஸ்ரீ அன்வார் இப்ராஹிம் அவர்களைப் பதவி நீக்கம் செய்ய வேண்டும்.

பெர்சத்து தலைவர் டான்ஸ்ரீ மொஹைதி  யாசின் இதனை பரிந்துரைத்தார்.

தேசிய முன்னணி தலைவர்களுக்கும் அன்வாருக்கும் இடையே உள்ள வெளிப்படையான கருத்து வேறுபாடு, கொள்கைகளைச் சீராகச் செயல்படுத்துவதைப் பாதிக்கக்கூடும் என்பதால், இது பரிசீலிக்கப்பட வேண்டும்.

நான் பிரதமராக இருந்திருந்தால், அவர்களைப் பதவி நீக்கம் செய்திருப்பேன்.

நான் அமைச்சரவையை மாற்றி அமைத்து, என்னுடன் உடன்படாதவர்கள் அங்கு அமர முடியாது என்றும், அரசாங்கத்தில் கூட இருக்க முடியாது என்றும் முடிவு செய்திருப்பேன்.

ஏனென்றால் அவர்கள் அரசாங்கத்தின் அனைத்துக் கொள்கைகளையும் முறியடிப்பார்கள்.

அன்வார் தலைமையிலான அரசாங்கம் கவிழ வேண்டும் என்பதே ஒருவேளை அவர்களின் நோக்கமாக இருக்கலாம்.

பெங்கலான் பத்துவில் பெர்சத்து வேட்பாளரின் பிரச்சாரத்திற்கு உதவியபோது அவர் இவ்வாறு கூறினார்.

- பார்த்திபன் நாகராஜன்