அமெரிக்க செனட் சபைக்கு முதல் முஸ்லிமின் தேர்தல், இன அரசியலுக்கு எதிரான ஒரு பாடம்: பிரதமர் அன்வார்

கோலாலம்பூர்:

அமெரிக்க செனட் சபைக்கு முதல் முஸ்லிமாக அப்துல் அல்-சயீத் வரலாற்றுச் சிறப்புமிக்க வகையில் தேர்ந்தெடுக்கப்பட்டதை, இனப் பாரபட்சத்தையும் மதப் பாகுபாட்டையும் நிராகரிப்பதற்கான ஒரு முக்கியப் பாடமாகப் பிரதமர் டத்தோ ஸ்ரீ அன்வார் இப்ராஹிம் சுட்டிக்காட்டினார்.

மிச்சிகனில் அல்-சயீத் பெற்ற வெற்றியை மேற்கோள் காட்டி, பன்முகத்தன்மைக்கான அரசியல் அங்கீகாரம் அதிகரித்து வருவதை அன்வார் வலியுறுத்தினார். 

இது, பல்வேறு பின்னணிகளைக் கொண்ட மக்களுக்குச் சம வாய்ப்புகளை வழங்குவதில் ஜனநாயகத்தின் பங்கைப் பிரதிபலிக்கிறது என்றார் அவர்.

இனவெறி உணர்வுகள் மேலோங்கும் போது, ​​முஸ்லிம்கள் உட்பட சிறுபான்மை சமூகங்கள் பெரும்பாலும் மோசமாகப் பாதிக்கப்படுவதால், இனவெறியை எதிர்ப்பதன் முக்கியத்துவத்தையும் அவர் குறிப்பிட்டார்.

அமெரிக்க அரசியல் மாதிரியிலிருந்து வேறுபட்ட, வளமான, பல்லின நாடாக மலேசியாவின் தனித்துவமான அடையாளத்தை உறுதிப்படுத்தி இருப்பதை அன்வார் சுட்டிக்காட்டினார்.

- ஃபிதா