ஹாங்காங்கிற்கு கொக்கைன் போதைப் பொருட்களை கடத்த சீன நாட்டினர் கடத்துபவர்களாக பயன்படுத்தப்பட்டுள்ளனர்

ஷாஆலம்:

மலேசியாவிலிருந்து ஹாங்காங்கிற்கு பினாங்கு விமான வழித்தடம் வழியாக கொக்கைன் கடத்துவதற்கு, ஒரு கும்பல் சீன நாட்டினரை 'போதைப்பொருள் கடத்துபவர்களாக' பயன்படுத்தி வருவதாக நம்பப்படுகிறது.

புக்கிட் அமான் போதைப்பொருள் குற்றப் புலனாய்வுத் துறையின் இயக்குநர் டத்தோ ஹுசைன் ஒமார் கான் இதனை கூறினார்.


இதே போன்ற செயல்முறையைப் பயன்படுத்திய சீன நாட்டினர் சம்பந்தப்பட்ட மூன்று வழக்குகளைத் தனது துறை கண்டறிந்துள்ளதாகக் கூறினார்.

இரண்டு நபர்கள் ஹாங்காங் அதிகாரிகளால் தடுத்து வைக்கப்பட்டதாகவும், மற்றொருவர் பினாங்கில் கைது செய்யப்பட்டதாகவும் அவர் கூறினார்.

அவர்கள் கே.எல்.ஐ.ஏ-விற்கு வந்து, பின்னர் பினாங்கிற்குச் சென்று, அங்கிருந்து கொக்கைனுடன் ஹாங்காங்கிற்கு மற்றொரு விமானத்தில் சென்றனர் என்று இன்று சிலாங்கூர் போலிஸ் நிலையத்தில் நடைபெற்ற வழக்கின் தீர்வு விழாவிற்குப் பிறகு அவர் கூறினார்.

போதைப்பொருள் கடத்துபவர்களின் நடமாட்டத்தை ஒழுங்கமைத்த ஒரு கும்பலால் இந்தச் செயல்பாடு மேற்கொள்ளப்பட்டதாக விசாரணையில் கண்டறியப்பட்டதாக டத்தோ ஹுசைன் கூறினார்.

- பார்த்திபன் நாகராஜன்