தீபாவளி பதிவு செய்யப்படாத விடுப்புத் தளர்வு குறித்து பொதுச் சேவைத் துறை பரிசீலிக்க வேண்டும்:  லிங்கேஸ்வரன்

கோலாலம்பூர்:

வரும் நவம்பர் 8 ஆம் தேதி தீபாவளி கொண்டாடப்படும் தேதி வார இறுதி விடுமுறையுடன் ஒன்று சேர்வதையடுத்து, இந்து அரசு ஊழியர்களுக்கு சிறப்பு குழு பதிவு செய்யப்படாத விடுப்புத்  தளர்வு வழங்குவது குறித்து அரசு பரிசீலிக்க வேண்டும்.

திங்கட்கிழமை மாற்றுப் பொது விடுமுறையாக இருக்கும் நிலையில், இந்த ஆண்டு தீபாவளி கொண்டாட்டம் ஞாயிற்றுக்கிழமையில் வருவதாக செனட்டர் டாக்டர் ஆர்.ஏ. லிங்கேஸ்வரன் கூறினார்.

எனவே, இந்தப் பிரச்சினையை ஆராய்ந்து சாதகமான பரிசீலனை அளிக்குமாறு பொது சேவைத் துறைக்கு அறிவுறுத்த வேண்டும் என அவர் பிரதமரிடம் வேண்டுகோள் விடுத்தார்.

இந்து அரசு ஊழியர்கள் குழு இந்த விடுமுறை வசதியை முழுமையாகப் பயன்படுத்திக்கொள்ள முடியுமா என்ற கேள்வியை இந்த நிலைமை எழுப்புகிறது.

இந்து அரசு ஊழியர்களின் நலனுக்காக இந்த விண்ணப்பம் சாதகமான பரிசீலனைக்கு எடுத்துக்கொள்ளப்படும் என நம்புகிறேன்.

இதன் மூலம், அவர்கள் தங்கள் குடும்பத்தினருடன் தீபாவளியை இன்னும் அர்த்தமுள்ள வகையில் கொண்டாடவும், அதற்கான ஏற்பாடுகளைச் செய்யவும் முடியும் என்று அவர் ஓர் அறிக்கையில் தெரிவித்தார்.

- பார்த்திபன் நாகராஜன்