ரவாங்கில் பால்கனியிலிருந்து விழுந்து பதின்ம வயது சிறுவன் உயிரிழந்த சம்பவம் குறித்து போலிஸ் விசாரணை

ரவாங்:

ரவாங், குண்டாங்கில் உள்ள தனது வீட்டின் பால்கனியிலிருந்து 17 வயது சிறுவன் ஒருவன் கீழே விழுந்து உயிரிழந்ததாகக் கருதப்படுகிறது.

இந்தச் சம்பவம் குறித்து 'திடீர் மரணம்' எனப் பதிவு செய்யப்பட்டுள்ளது.

இது குறித்து தொடர்ந்து விசாரணை நடைபெற்று வருவதாக. சுங்கை பூலோ மாவட்டக் போலிஸ் தலைவர் ஹபிஸ் நூர் தெரிவித்தார்.

பாதிக்கப்பட்ட குடும்பத்தினரின் உணர்வுகளை மதிக்கும் வகையில், இந்தச் சம்பவம் குறித்து ஊகங்களை வெளியிட வேண்டாம்.

சமூக ஊடகங்களில் இது தொடர்பான புகைப்படங்களையோ அல்லது உறுதிப்படுத்தப்படாத தகவல்களையோ பகிர வேண்டாம் என்று அவர் பொதுமக்களைக் கேட்டுக்கொண்டார்.

- பார்த்திபன் நாகராஜன்