பெர்சத்து மீது தேசியக் கூட்டணி ஒழுங்கு நடவடிக்கை எடுக்கிறது: தக்கியூடின்

கோலாலம்பூர்:

நெகிரி செம்பிலான் மாநிலத் தேர்தலில் கூட்டணிக்கு எதிராகப் போட்டியிட்டது உட்பட, கூட்டணியின் நலன்களுக்கு எதிராகச் செயல்பட்டதற்காக, தேசியக் கூட்டணி பெர்சத்து மீது ஒழுங்கு நடவடிக்கை எடுக்கும்.

தேசியக் கூட்டணி தலைவர் சம்சுரி மொக்தார் தலைமையில் நடைபெற்ற உச்ச மன்ற உறுப்பினர்களின் அவசரக் கூட்டத்தில் இந்த விவகாரம் முடிவு செய்யப்பட்டதாக அதன் பொதுச் செயலாளர் தக்கியூடின் ஹசான் கூறினார். 

கூட்டணியின் அரசியலமைப்பின் 15ஆவது பிரிவின் அடிப்படையில் இந்த நடவடிக்கை எடுக்கப்பட்டதாக அவர் கூறினார்.

தேசியக் கூட்டணி ஒழுங்கு நடவடிக்கையில் உரிய நடவடிக்கைகளை எடுக்கும்.

மேலும் சுமத்தப்பட்ட குற்றச்சாட்டுகள் பெர்சத்து கட்சிக்கு வரைவு செய்யப்படும்.

குற்றச்சாட்டுகளுக்குப் பதிலளிக்க அவர்களுக்கு நிச்சயமாகப் போதுமான அவகாசம் வழங்கப்படும் என்று, பெர்சத்து கலந்துகொள்ளாத அந்தக் கூட்டத்திற்குப் பிறகு நடந்த செய்தியாளர் சந்திப்பில் அவர் கூறினார்.

- பார்த்திபன் நாகராஜன்