நவம்பர் 1 முதல் கியூஆர் (QR) பரிவர்த்தனைகளுக்கு சேவைக் கட்டணமா?: தவறான தகவல் என்று நிதி அமைச்சகம் விளக்கம்

புத்ரா ஜெயா:

பரவலாகப் பகிரப்பட்ட ஒரு சுவரொட்டியில் கூறப்பட்டபடி, நவம்பர் 1 முதல் கியூஆர் (QR) பரிவர்த்தனைகளுக்கு சேவைக் கட்டணம் விதிக்கப்படும் என்ற கூற்றுகளை மலேசிய நிதி அமைச்சகம் மறுத்துள்ளது.

ஒரு முகநூல் பதிவில், அத்தகைய கட்டணங்கள் குறித்து எந்த அதிகாரப்பூர்வ அறிவிப்பும் வெளியிடப்படவில்லை என்று அமைச்சகம் தெளிவுபடுத்தியதுடன், தவறான தகவல்கள் பரவுவதைத் தடுக்க, பொதுமக்கள் அதிகாரப்பூர்வ வழிகளிலிருந்து தகவல்களைப் பெறுமாறும் கேட்டுக்கொண்டது.

அந்த சுவரொட்டியின் மூலம், அது சென்றடைந்த இடம் ஆகியவற்றை அமைச்சகம் வெளியிடவில்லை.

"சமூகத்தைத் தவறாக வழிநடத்தக்கூடிய போலிச் செய்திகள் பரவுவதைத் தவிர்ப்பதற்காக, பொதுமக்கள் தகவல்களைப் பகிர்வதற்கு முன்பு, நிதி அமைச்சகத்தின் அதிகாரப்பூர்வ வழிகள் மூலம் எப்போதும் உண்மையான தகவல்களைப் பெற வேண்டும் என்று கேட்டுக் கொள்ளப்படுகிறார்கள்," என்று அது கூறியது.

- பார்த்திபன் நாகராஜன்