சவூதி அரேபியாவில் மலேசியர்கள் பாதுகாப்பாக உள்ளனர்

புத்ராஜாயா:

சவூதி அரேபியாவில் பதற்றமான சூழல் நீடித்து வந்தாலும், ரியாத் மற்றும் ஜெட்டாவில் வசிக்கும் மலேசியர்கள் அனைவரும் பாதுகாப்பாக இருப்பதாக அறிவிக்கப்பட்டுள்ளது.

ரியாத்தில் உள்ள மலேசியத் தூதரகம் மற்றும் ஜெட்டாவில் உள்ள துணைத் தூதரகத்திலிருந்து பெறப்பட்ட தினசரி அறிக்கைகள் இதனை உறுதிப்படுத்தியுள்ளன என்று வெளியுறவு அமைச்சர் டத்தோஸ்ரீ முகமது ஹாசன் தெரிவித்துள்ளார்.

பொதுப்பணி அமைச்சு, வெளியுறவு அமைச்சிடம் சூரிய ஒளிக் மின்தகடு திட்டத்தை ஒப்படைக்கும் நிகழ்வில் கலந்துகொண்ட பின்னர் அவர் ஊடகங்களிடம் பேசினார்.

சவூதி அரேபியாவில் உள்ள மலேசியத் தொழிலாளர்கள் மற்றும் குடிமக்களுடன் தூதரகம் தொடர் தொடர்பில் இருந்து வருவதாக அவர் குறிப்பிட்டார்.

அங்குள்ள மலேசியர்கள் அனைவரும் தேவையற்ற முறையில் பொது இடங்களுக்கும் முக்கிய மூலோபாய இடங்களுக்கும் செல்வதைத் தவிர்க்குமாறு அறிவுறுத்தப்பட்டுள்ளனர்.

மேலும், தூதரகத்துடன் தொடர்பில் இருக்க 'e-Konsular' செயலியைப் பயன்படுத்துமாறும், முடிந்தவரை வீடுகளிலேயே இருக்குமாறும் அவர் கேட்டுக்கொண்டார்.

-மவித்திரன்