28 பகுதிகளில் காற்றின் தரம் மோசமடைந்தது; கிள்ளான் பள்ளத்தாக்கு, ஜோகூரில் பாதிப்புள்ள பகுதிகள் அதிகரிப்பு

ஜோகூர் பாரு:

மலேசியாவில் காற்றின் தரம் மேலும் மோசமடைந்துள்ளது. மொத்தம் உள்ள 68 கண்காணிப்பு நிலையங்களில் 28 நிலையங்கள் ஆரோக்கியமற்ற காற்று மாசு குறியீட்டு (API) அளவுகளைப் பதிவு செய்துள்ளன. 

இன்று காலை 27 இடங்களில் இந்த நிலை காணப்பட்டது.தற்போது அந்த எண்ணிக்கை அதிகரித்துள்ளது.

ஜோகூரில் உள்ள பாசிர் குடாங் (Pasir Gudang) பகுதியில் அதிகபட்சமாக 179 அளவில் காற்றின் மோசமான தரம் பதிவாகியுள்ளது. 

இது அப்பகுதி முழுவதும் நிலவும் கடுமையான மூடுபனி (haze) கடும் பாதிப்பைக் குறிக்கிறது.

தொடரும் மூடுபனி பாதிப்பு காரணமாக, ஜோகூர், மலாக்கா, நெகிரி செம்பிலான் ஆகிய மாநிலங்களிலும், சிலாங்கூர், பகாங், சபா, சரவாக் ஆகியவற்றின் சில பகுதிகளிலும் பள்ளிகள் தொடர்ந்து மூடப்பட்டுள்ளன.

- பார்த்திபன் நாகராஜன்