பெங்களூரு விமான நிலைய ஓடுபாதை தரையில் மோதிய இண்டிகோ விமானத்தின் வால் பகுதி

பெங்களூரு:

பெங்களூரு விமான நிலையத்தில் தரையிறங்கும் போது இண்டிகோ விமானத்தின் வால் பகுதி தரையில் மோதியதால் பரபரப்பு நிலவியது.

அசாம் மாநிலம், கவ்ஹாட்டியில் இருந்து பெங்களூரு வந்த இண்டிகோ விமானம், பெங்களூரு விமான நிலையத்தில் இரண்டாவது முறையாகத் தரையிறங்க முயன்றபோது அதன் வால் பகுதி ஓடுபாதையில் மோதியது.

பெங்களூரு கெம்பேகௌடா சர்வதேச விமான நிலையத்தில் வீசிய பலத்த காற்றுக்கிடையே தரையிறங்கும் போது இயல்புக்கு மாறான ஓடுபாதைத் தொடர்பை சந்தித்ததாக இண்டிகோ நிறுவனம் தனது அறிக்கையில் தெரிவித்துள்ளது.

பயணிகளும்  பணியாளர்களும் பாதுகாப்பாக உள்ளனர் என்றும் அவர்கள் பாதுகாப்பாக இறக்கிவிடப்பட்டனர் என்றும் கூறப்பட்டுள்ளது. 

இண்டிகோ நிறுவனத்தின் ஏ321 ரக விமானம், கடந்த காலங்களிலும் இதுபோன்று வால் பகுதி ஓடுபாதையில் மோதும் சம்பவங்களை எதிர்கொண்டுள்ளது.

- ஆர்யன்