மலேசிய மக்கள் சக்தி கட்சியின் பேராளர் மாநாட்டை துணைப் பிரதமர் டத்தோஸ்ரீ ஜாஹித் தொடக்கி வைப்பார்: டத்தோஸ்ரீ தனேந்திரன்

கோலாலம்பூர்:

மலேசிய மக்கள் சக்தி கட்சியின் பேராளர் மாநாட்டை துணைப் பிரதமரும் தேசிய முன்னணித் தலைவருமான டத்தோஸ்ரீ ஜாஹித் ஹமிடி தொடக்கி வைப்பார்.

அக்கட்சியின் தேசியத் தலைவர் டத்தோஸ்ரீ ஆர்எஸ் தனேந்திரன் இதனை தெரிவித்தார்.

மலேசிய மக்கள் சக்தி கட்சியின் தேசிய பேராளர் மாநாடு வரும் அக்டோபர் 27ஆம் தேதி  நடைபெறவுள்ளது.

18ஆவது ஆண்டாக இம்மாநாடு அனைத்துலக மாநாட்டு மண்டபத்தில் (PWTC) நடைபெறவுள்ளது.

மாநாட்டை டத்தோஸ்ரீ ஜாஹித் ஹமிடி தொடக்கி வைத்து உரையாற்ற உள்ளார்.

இம்மாநாட்டில் பல கோரிக்கைகள் அவரிடம் முன்வைக்கப்படவுள்ளது.

அதே வேளையில் கட்சியின் அடுத்தக்கட்ட நடவடிக்கை, அரசியல் பாதை, அடுத்த பொதுத் தேர்தலுக்கு தயாராவது உட்பட பல்வேறு விவகாரங்கள் குறித்தும் இம்மாநாட்டில் விவாதிக்கப்படவுள்ளது.

மலேசிய மக்கள் சக்தி கட்சியின் அரசியல் பயணத்தில் இதுவொரு முக்கிய அங்கமாக இம்மாநாடு அமையவுள்ளது.

குறிப்பாக மக்கள் எதிர்கொள்ளும் பிரச்சினைகள் இந்த அரசாங்கத்தின் மீதான அதிருப்திகள் குறித்தும் விவாதிக்கப்படவுள்ளது.

பல்வேறு தீர்மானங்களும் நிறைவேற்றப்படவுள்ளது என்று டத்தோஸ்ரீ தனேந்திரன் கூறினார்.

- பார்த்திபன் நாகராஜன்