நெகிரி செம்பிலான் மாநில சட்டமன்றம் கலைக்கப்பட வேண்டும்: அமானா வலியுறுத்தல்

சிரம்பான்:

நெகிரி செம்பிலானின் மந்திரி புசார் டத்தோ இஸ்மாயில் லாசிம், மாநில அரசாங்கத்திற்கும் அரச நிறுவனத்திற்கும் இடையே அதிகரித்து வரும் அரசியல் நெருக்கடியைத் தொடர்ந்து மாநில சட்டமன்றத்தை கலைக்க வேன்டும்.

நெகிரி செம்பிலானின் யாங் டி-பெர்துவான் பெசார், துவாங்கு முஹ்ரிஸ் துவாங்கு முனாவிர் பதவியுடன் தொடர்புடைய பிரகடனப் பிரச்சினையைத் தொடர்ந்து, நெகிரி செம்பிலானில் அரசியல் முன்னேற்றங்கள் இப்போது தீவிரமான நிலையை எட்டியுள்ளதாக அமானா கட்சியின்  பொதுச்செயலாளர் முஹம்மது ஃபைஸ் ஃபாட்சில் கூறினார்.

யாங் டி-பெர்துவான் பெசார் நிலை தொடர்பான நெருக்கடியில் அமானா தலையிட விரும்பவில்லை.

ஏனெனில் நெகிரி செம்பிலானின் சட்டம், அரசியலமைப்பு, அடாட் ஆகியவற்றின் அடிப்படையில் இந்த விவகாரம் தீர்க்கப்பட வேண்டும்.

இருப்பினும், யாங் டி-பெர்டுவான் பெசாரைப் பதவியிலிருந்து நீக்குவதற்காக சில கட்சிகளின் அழுத்தத்தைத் தொடர்ந்து திடீரென நடத்தப்பட்டதாகக் கூறப்படும் 16ஆவது நெகிரி செம்பிலான் மாநிலத் தேர்தலுடன் இந்தக் கலவரம் தொடர்புடையது என்று அவர் கூறினார்.

- பார்த்திபன் நாகராஜன்