DBKL ஏற்பாட்டிலான 2026 தீபாவளி சந்தை கட்டணம் 85 சதவீதம் குறைப்பு: அமைச்சர் ஹன்னா இயோ அறிவிப்பு

கோலாலம்பூர்:

கோலாலம்பூர் மாநகரில் நடைபெறவுள்ள 2026ஆம் ஆண்டுக்கான தீபாவளி சந்தை கட்டணம் அதிரடியாகக் குறைக்கப்பட்டுள்ளதாக அரசாங்கம் அறிவித்துள்ளது.

இந்த புதிய கட்டடக் குறைப்பு நடவடிக்கையானது தலைநகரப் பகுதி வியாபாரிகளுக்கு மிகப்பெரிய நிம்மதியை அளித்துள்ளது.

முன்னதாக இரண்டாயிரத்து அறுநூறு ரிங்கிட்டுக்கும் அதிகமாக இருந்த தற்காலிகக் கடைத் தொகுதிக்கான கட்டணம் இப்போது கணிசமாகக் குறைக்கப்பட்டுள்ளது.

இதன் அடிப்படையில் வைப்புத்தொகை உட்பட ஒட்டுமொத்த கட்டணமும் நானூறு ரிங்கிட்டாக மாற்றியமைக்கப்பட்டு முறைப்படுத்தப்பட்டுள்ளது.

கூட்டரசு பிரதேச பிரதமர் துறை அமைச்சர் ஹன்னா இயோ இந்த முக்கிய தகவலை வெளியிட்டார். 

கோலாலம்பூர் பகுதி வியாபாரிகளின் பொருளாதாரச் சுமையைக் குறைக்கும் நோக்கில் இந்த நடவடிக்கை எடுக்கப்பட்டுள்ளதாக அவர் தெரிவித்தார்.

ரமலான் சந்தைகளுக்காக ஏற்கனவே நடைமுறைப்படுத்தப்பட்ட அதே கட்டண முறை இப்போது தீபாவளி சந்தைக்கும் விரிவுபடுத்தப்பட்டுள்ளது.

இதன்மூலம் தலைநகர வணிகர்கள் எவ்வித கூடுதல் நிதி நெருக்கடியும் இன்றித் தங்கள் வியாபாரத்தை மேற்கொள்ள முடியும்.

கட்டணக் குறைப்புடன் சேர்த்து வணிகர்களின் வர்த்தக இயக்கக் காலமும் தற்போது வெற்றிகரமாக நீட்டிக்கப்பட்டுள்ளது

முந்தைய ஆண்டுகளைப் போலன்றி இந்த முறை இருபத்தோரு நாட்களுக்குப் பதிலாக முப்பது நாட்களாக இயக்கக் காலம் நீடிக்கப்பட்டுள்ளது.

வியாபாரிகளுக்குக் கூடுதல் அவகாசம் வழங்குவதன் மூலமாக அவர்களின் வர்த்தக வாய்ப்புகள் பலமடங்கு அதிகரிக்கும் என எதிர்பார்க்கப்படுகிறது

-மவித்திரன்