நஜிப் நிதிக்கு நன்கொடை அளித்தவர்களில் புரூணை, இத்தாலி,  கனடாவைச் சேர்ந்தவர்களும் அடங்குவர்: ரோஸ்மா

கோலாலம்பூர்:

முன்னாள் பிரதமர் டத்தோஶ்ரீ நஜிப் 50 மில்லியன் ரிங்கிட் அபராதத்தைச் செலுத்துவதற்கான நிதி திரட்டும் முயற்சிக்கு பங்களித்தவர்களுக்கு அவர் மனைவி ரோஸ்மா மன்சோர் நன்றி தெரிவித்தார்.

வெளிநாடுகளில் உள்ள நண்பர்களிடமிருந்தும் நிதி பெறப்பட்டுள்ளது.

இந்த நிதி திரட்டும் முயற்சிக்கு ஆதரவளிப்பவர்கள் டத்தோஶ்ரீ நஜிப் மீண்டும் குடும்பத்துடன் இணைவதை மட்டுமே விரும்புகிறார்கள்.

நான் உண்மையிலேயே நெகிழ்ந்துவிட்டேன். இங்குள்ள நண்பர்கள், மக்களிடமிருந்து மட்டுமல்லாமல், புரூணை, இத்தாலி, சிங்கப்பூர்,  கனடா போன்ற தொலைதூர நாடுகள் உட்பட வெளிநாடுகளில் உள்ள நண்பர்களிடமிருந்தும் நன்கொடைகள் வந்துள்ளன.

டத்தோஸ்ரீ நஜிப் தொடர்பான சமீபத்திய முன்னேற்றங்கள் குறித்து தங்கள் மகிழ்ச்சியை வெளிப்படுத்தவும், பங்களிக்க விருப்பம் தெரிவிக்கவும் அவர்கள் என்னைத் தொடர்பு கொண்டுள்ளனர் என்று அவர் கூறினார்.

முன்னதாக நஜிப்பின் மகள் நூரியானா நஜ்வா, செப்டம்பர் 19 அன்று குடும்பத்தினர் நஜிப்பைச் சந்தித்தபோது, ​​தனது 'ஒற்றுமை நிதிக்கு' பங்களிக்க மக்கள் காட்டிய விருப்பத்தால் தான் நெகிழ்ந்து போனதாக நஜிப் மீண்டும் மீண்டும் வெளிப்படுத்தியதாகக் கூறினார்.

இவ்வளவு பேர் பங்களிப்பார்கள் என்று அப்பா உண்மையில் எதிர்பார்க்கவில்லை.

நான் ஒருபோதும் யாரையும் கட்டாயப்படுத்த மாட்டேன் என்று நஜிப்பின் கூற்றை மேற்கோள் காட்டி அவர் கூறினார்.

- பார்த்திபன் நாகராஜன்