நாட்டில் கடந்த செப்டம்பர் 16 வரை 68,177 பேர் வேலையை இழந்துள்ளனர்

கோலாலம்பூர்:

இந்த ஆண்டு ஜனவரி முதல் செப்டம்பர் 16 வரையிலான காலகட்டத்தில் மொத்தம் 68,177 தொழிலாளர்கள் வேலை இழந்தனர்.

இது கடந்த ஆண்டு இதே காலகட்டத்துடன் ஒப்பிடும்போது 15,196 பேர் அதிகமாகும்.

உற்பத்தித் துறை, மொத்த, சில்லறை வர்த்தகத் துறைகளில் உள்ள தொழிலாளர்கள் மிகவும் பாதிக்கப்பட்டவர்களில் அடங்குவர் என்று பொருளாதார அமைச்சர் அக்மல் நஸ்ருல்லா முகமது நசீர் கூறினார்.

இந்த புள்ளிவிவரங்கள் அதிகரிப்பைக் காட்டினாலும், ஜூலை 2026 நிலவரப்படி தொழிலாளர் சக்தியும், பணிபுரியும் மக்களின் எண்ணிக்கையும் தொடர்ந்து அதிகரித்து வருவதால், ஒட்டுமொத்த தொழிலாளர் சந்தையும் மீள்தன்மையுடன் உள்ளது என்று அவர் கூறினார்.

ஜூலை மாத நிலவரப்படி, தொழிலாளர் சக்தி 17.37 மில்லியன் மக்களாகவும், பணிபுரியும் மக்கள் தொகை 16.85 மில்லியன் மக்களாகவும் அதிகரித்துள்ளதுடன், தொழிலாளர் பங்கேற்பு விகிதம் 70.9 சதவீதமாக உள்ளது என்று அவர் கூறினார்.

- பார்த்திபன் நாகராஜன்