உலக முதுகெலும்பு தினத்தை முன்னிட்டு பி40 சமூகத்தினருக்காக PJ CurePhysio இலவச பிசியோ மருத்துவ முகாமை நடத்துகிறது: செல்லாபதி

பெட்டாலிங்ஜெயா:

உலக முதுகெலும்பு தினத்தை முன்னிட்டு பி40 சமூகத்தினருக்காக PJ CurePhysio இலவச பிசியோ மருத்துவ முகாமை நடத்துகிறது.

பிஜே க்யூர்ஃபிசியோ தலைமை இயக்குநர் கே. செல்லாபதி இதனை கூறினார்.

உலக முதுகுத்தண்டு தினத்தை முன்னிட்டு பிஜே கியூர்ஃபிசியோ மூட்டு வலி, முதுகுத்தண்டு, உடல் அசௌகரியங்களால் அவதிப்படும் பி40 பிரிவினர் இலவச பரிசோதனையை வழங்குகின்றனர்.

குறைந்த வருமானம் கொண்ட சமூகத்தினருக்கு சுகாதார சேவைகள் கிடைப்பதில் உள்ள இடைவெளியைக் குறைக்கும் நோக்கில் வரும் செப்டம்பர் 13ஆம் தேதி இந்த இலவச மருத்துவ முகாமிற்கு ஏற்பாடு செய்துள்ளது.

நிதி நெருக்கடிகள் காரணமாக உடல் பரிசோதனைகளைத் தள்ளிப்போடும் நபர்களுக்கு இலவச தொழில்முறை உடல் மதிப்பீடுகளை வழங்குவதன் மூலம், இந்த சமூக நலத் திட்டம் பி40 பிரிவைச் சேர்ந்த 100 பங்கேற்பாளர்களை இலக்காகக் கொண்டுள்ளது.

இந்த முயற்சியின் மூலம், கியூர்ஃபிசியோ  தேவைப்படும் குடும்பங்களில் கவனம் செலுத்துகிறது.

இதன்மூலம், உடல் ரீதியான சிரமப் பிரச்சனைகளை ஆரம்ப நிலையிலேயே கண்டறியவும், ஒருவரின் அன்றாடச் செயல்பாடுகளைச் செய்வதற்கும் வாழ்வாதாரம் ஈட்டுவதற்கும் பாதிப்பை ஏற்படுத்தக்கூடிய நீண்டகால உடல் கட்டமைப்புப் பிரச்சனைகளைத் தடுக்கவும் உதவுகிறது.


பிஜே க்யூர்ஃபிசியோ இதற்கு முன்னர் சுக்மா.இயன்முறை சிகிச்சைகளுக்கு நிதியுதவி செய்துள்ளது.

மூட்டு அல்லது முதுகுத்தண்டு வலியை அனுபவிக்கும் பி40 குழுவைச் சேர்ந்த நபர்கள், தொழில்முறை உடல் பராமரிப்பைப் பெறுவதற்கும், நீண்டகால ஆரோக்கியத்திற்காக முன்கூட்டியே நடவடிக்கைகளை எடுப்பதற்கும், பரிசோதனைக்கான நேரத்தை முன்பதிவு செய்ய ஊக்குவிக்கப்படுகிறார்கள்.

இருப்பினும், பங்கேற்பாளர்கள் கலந்துகொள்வதற்கு முன்பு முன்கூட்டியே சந்திப்பு நேரத்தை முன்பதிவு செய்ய வேண்டும் என்று அவர் கூறினார். தொடர்புக்கு: 012-211 0548

- பார்த்திபன் நாகராஜன்