மானியமில்லா பெட்ரோல், டீசல் விலைகள் 5 சென் குறைகிறது

புத்ராஜெயா:

மானியமில்லா ரோன் 97, ரோன் 95 பெட்ரோல், டீசலின் சில்லறை விலைகள் நாளை முதல் 5 சென் குறைகிறது.

ரோன் 97 பெட்ரோல் ஒரு லிட்டர் 4.25 ரிங்கிட்டுக்கும், ரோன் 95 மானியமில்லா பெட்ரோல் ஒரு லிட்டர் 3.77 ரிங்கிட்டுக்கும் விற்கப்படுவதாக நிதியமைச்சு ஓர் அறிக்கையில் தெரிவித்துள்ளது.

அதே சமயம், மானியமில்லா டீசல் ஒரு லிட்டர் 4.67 ரிங்கிட்டுக்கு விற்கப்படுகிறது. இந்த விலைகள் அனைத்தும் செப்டம்பர் 9 வரை அமலில் இருக்கும்.
இதற்கிடையில், மானிய விலையில் வழங்கப்படும் எரிபொருளின் விலையில் எந்த மாற்றமும் இல்லை.

பூடிI95 திட்டத்தின் கீழ் வழங்கப்படும் ரோன்95 எரிபொருள் ஒரு லிட்டருக்கு 1.99 ரிங்கிட் என்ற விலையிலும், பூடி டீசல் திட்டத்தின் கீழ் வழங்கப்படும் டீசல் ஒரு லிட்டருக்கு 2.10 ரிங்கிட் என்ற விலையிலும் தொடர்ந்து விற்பனை செய்யப்படுகிறது.

மேலும், மானிய பெட்ரோல் கட்டுப்பாட்டு அமைப்பு, மானிய டீசல் கட்டுப்பாட்டு அமைப்பு ஆகியவற்றிற்கான மானிய விலைகளும் முறையே ஒரு லிட்டருக்கு 2.05 ரிங்கிட், ஒரு லிட்டருக்கு 2.15  ரிங்கிட் என மாற்றமின்றி உள்ளன என நிதியமைச்சு கூறியது.

- பார்த்திபன் நாகராஜன்