வலைப்பந்துப் போட்டிகளில் தொடர் வெற்றி: சாதனைப் பயணத்தைத் தொடரும் சிகாம்புட் தமிழ்ப்பள்ளி

கோலாலம்பூர்:

வட்டார அளவில் இரண்டாம் இடம், கோலாலம்பூர் கூட்டரசுப் பிரதேச அளவில் மூன்றாம் இடம் எனத் தொடர் வெற்றிகளைக் குவித்து, தேசிய வகை சிகாம்புட் தமிழ்ப்பள்ளி வலைப்பந்து அணி சாதனை படைத்துள்ளது.

செத்தியாவங்சா விளையாட்டு வளாகத்தில் நடைபெற்ற செந்தூல் வட்டார 12 வயதுக்குட்பட்டோருக்கான வலைப்பந்துப் போட்டியில் 36 அணிகள் பங்கேற்றன.

இப்போடியில் சிகாம்பூட் தமிழ்ப்பள்ளி மாணவிகள் ஜாய்ஷ்னா த/பெ தேவேந்திரன், சுஷ்மிதா த/பெ தமிழ்செல்வன், திவ்யலட்சுமி த/பெ ராமன், தேனிஷா த/பெ சௌந்தர ராஜன், சுஜித்ரா த/பெ மோகனசுந்தரம், திவ்யாஸ்ரீ த/பெ பரமநாதன், வைஷ்ணவி தேவி த/பெ சரவணகுமார், ஸ்ருதிக்கா த/பெ காரிகாலன், ஜெயஶ்ரீ ருத்ராதேவி த/பெ நாதன், தாரணி சாய் த/பெ சரவணகுமார், தாக்க்ஷாயிணி த/பெ ஒம்முனியாண்டி,
நிவாஷினி த/பெ கோவிந்தராஜன் பங்கேற்றனர்.

இறுதிப் போட்டிவரை முன்னேறிய சிகாம்பூட் தமிழ்ப்பள்ளி, கம்போங் பத்து ஆரம்பப்பள்ளி அணியிடம் 10–6 என்ற புள்ளிக் கணக்கில் இரண்டாம் இடத்தைப் பிடித்தது.

இத்தொடரில் சுஸ்மிதா தமிழ்ச்செல்வன் சிறந்த ஆட்டக்காரராகத் தேர்வு செய்யப்பட்டனர்.

இதனைத் தொடர்ந்து, பள்ளியைச் சேர்ந்த ஏழு மாணவிகள் செந்தூல் வட்டார அணிக்குத் தேர்வு செய்யப்பட்டு, ஆகஸ்ட் 5, 6-ஆம் தேதிகளில் நடைபெற்ற MSSWPKL போட்டியில் பங்கேற்றனர்.

இப்போட்டியில் செந்தூல் வட்டார அணி மூன்றாம் இடத்தைக் கைப்பற்றியது.

மேலும், பள்ளி மாணவி சுஸ்மிதா கோலாலம்பூர் கூட்டரசுப் பிரதேச அணிக்குத் தேர்வு செய்யப்பட்டு, ஆகஸ்ட் 29 முதல் செப்டம்பர் 3 வரை மலாக்காவில் நடைபெறும் தேசிய அளவிலான போட்டியில் பங்கேற்கவுள்ளார்.

பயிற்றுநர் புனிதா பாலன், அணி மேலாளர் தேவிகா செல்வராஜ் மற்றும் ஆசிரியைகள் திலகா ஷாமளா, சகுந்தலா ஆகியோரின் வழிகாட்டுதலில் அணி பயிற்சி பெற்று வருகிறது.

Blues Brothers Welfare & Association Malaysia அமைப்பின் இளைஞர் தலைவர் டத்தோ டாக்டர் எம். சங்கர் பல வகையில் அணிக்கு ஆதரவளித்துள்ளார்.

கடந்த 2019-ஆம் ஆண்டு முதல் தொடர்ந்து ஒவ்வோர் ஆண்டும் சிகாம்பூட் தமிழ்ப்பள்ளி மாணவிகள் கோலாலம்பூர் அணிக்குத் தேர்வு செய்யப்பட்டு MSSM தேசியப் போட்டிகளில் பங்கேற்று வருவது குறிப்பிடத்தக்கது.

- பார்த்திபன் நாகராஜன்