DATING.COM நிறுவனத்தின் புதிய முயற்சி: சீஃப் பிரேக்கப் ஆபீசர்' வேலைவாய்ப்பு

மும்பை: 

பிரபல டேட்டிங் இணையதளமான டேட்டிங்.காம் காதலை முறித்துக் கொள்ள விரும்பும் பயனர்களுக்காக ஒரு புதிய மற்றும் விசித்திரமான வேலைவாய்ப்பை அறிவித்துள்ளது.

இதன்படி Chief Breakup Officer எனப்படும் முழுநேரப் பணிக்கு மாத ஊதியமாக தோராயமாக 3,000 அமெரிக்க டாலர்கள் வழங்கப்படுகிறது.

உறவை நாகரிகமாகவும் மரியாதையாகவும் முடிக்க விரும்பும் பயனர்களுக்கு, இந்தப் பணியாளர் பொருத்தமான வார்த்தைகளையும் செய்திகளையும் வடித்துத் தருவார்.

இன்றைய நவீன காலகட்டத்தில் டேட்டிங் தளங்களில் 'கோஸ்டிங்' (Ghosting - அதாவது திடீரென எந்தவித விளக்கமும் அளிக்காமல் தொடர்பை துண்டிப்பது) மிகப்பெரிய பிரச்சனையாக உருவெடுத்துள்ளது.

இதனால் பயனர்கள் பெரும் மன உளைச்சலுக்கும் ஏமாற்றத்திற்கும் ஆளாகின்றனர்.

இந்தச் சிக்கலைக் குறைத்து, பயனர்கள் ஒருவருக்கொருவர் கனிவாகவும் பொறுப்புடனும் தொடர்பில் இருக்க வேண்டும் என்பதே இந்நிறுவனத்தின் முக்கிய நோக்கமாகும்.

இந்த அரிய பதவிக்கு விண்ணப்பிக்க விரும்பும் ஆர்வலர்கள், தங்களது கடந்த கால காதல் முறிவு அனுபவங்களை விண்ணப்பத்துடன் இணைக்குமாறு கேட்டுக்கொள்ளப்பட்டனர்.

இந்த முறையானது டேட்டிங் தளங்களில் நிலவும் சோர்வைப் போக்கி, ஆரோக்கியமான தகவல் பரிமாற்றத்தை மேம்படுத்தும்.

இது முழுமையாக கோஸ்டிங் பிரச்சினையைத் தீர்க்காவிட்டாலும், நீண்ட கால உறவுகளை எதிர்பார்ப்பவர்களுக்கு இது ஒரு மாற்றத்தைத் தரும் என்று நம்பப்படுகிறது.

-மவித்திரன்