உக்ரேனிய ஆளில்லா விமானங்கள் மாஸ்கோ முழுவதும் பல இடங்களைத் தாக்கின: விமானச் சேவைகள் நிறுத்தபட்டுள்ளன

மாஸ்கோ:

உக்ரேனிய ஆளில்லா விமானங்கள் மாஸ்கோ முழுவதும் பல இடங்களைத் தாக்கியுள்ளன. இதில் ஒரு எண்ணெய் சுத்திகரிப்பு ஆலைக்குத் தீ வைத்ததும் அடங்கும். இதனால், நகரம் முழுவதும் தீப்பிழம்புகளும், வானுயர்ந்த புகை மண்டலங்களும் பரவி, தலைநகரின் விமான நிலையங்கள் விமானச் சேவைகளை நிறுத்திவைக்கப்பட்டுள்ளன.

கபோட்னோ பகுதியில் உள்ள முக்கிய எண்ணெய் சுத்திகரிப்பு ஆலையின் செயல்பாடுகளை முடக்கும் நோக்கில் நடத்தப்பட்டதாகத் தெரியவந்துள்ளது. 

இந்த நீண்ட தூரத் தாக்குதலின் வீச்சு, பொதுவாக வான்வழித் தாக்குதல் எச்சரிக்கைகள் மூலம் குடியிருப்பாளர்களை எச்சரிக்காத ஒரு நகரத்தில், பெரும்பாலான மாஸ்கோவாசிகளை ஆச்சரியத்தில் ஆழ்த்தியதுடன், சமூக ஊடகங்களில் பீதியூட்டும் செய்திகளையும் தூண்டியது.

சுத்திகரிப்பு ஆலையிலிருந்து மூன்று புகை மண்டலங்கள் எழுவதை இணையத்தில் வெளியிடப்பட்ட காட்சிகள் காட்டின. இந்த ஆலை மீது இரண்டு நாட்களில் நடத்தப்பட்ட இரண்டாவது தாக்குதல் இதுவாகும். இதை உக்ரேனிய அதிபர் வொலோடிமிர் ஜெலென்ஸ்கி, "ரஷ்யத் தாக்குதல்களுக்கு ஒரு நியாயமான பதிலடி" என்று அப்போது குறிப்பிட்டார்.

குறைந்தது ஏழு ட்ரோன்கள் ரஷ்யாவின் வான் பாதுகாப்பு அமைப்புகளைத் தாண்டி நகரில் உள்ள இலக்குகளைத் தாக்கியதாகத் தெரிகிறது.

- ஆர்யன்