மூன்று ஆடவர்கள் கொலைக் குற்றச்சாட்டில் ஆஜர்படுத்தப்பட்டனர்

காஜாங்:

கடந்த மே 4 முதல் 16 வரையிலான காலப்பகுதியில், இங்குள்ள பத்து 11 செராஸ், ஜாலான் பாலாகோங்கில் நடந்த சம்பவத்தில், ஒரு ஆணைக் கொலை செய்த குற்றச்சாட்டின் பேரில், மூன்று ஆண்கள் இன்று இங்குள்ள மாஜிஸ்திரேட் நீதிமன்றத்தில் ஆஜர்படுத்தப்பட்டனர்.

38 வயதுடைய சாய் குவான் சியோங், 41 வயதுடைய செங் கான் லூன், 41 வயதுடைய கோ கிம் யாங் ஆகிய மூன்று குற்றஞ்சாட்டப்பட்டவர்களும், மாஜிஸ்திரேட் ஃபதின் தயானா ஜலில் முன்னிலையில், மொழிபெயர்ப்பாளர் மூலம் குற்றச்சாட்டு வாசிக்கப்பட்டபோது, அதைப் புரிந்துகொண்டதாகத் தலையசைத்தனர்.

இருப்பினும், இந்த வழக்கு உயர் நீதிமன்றத்தின் அதிகார வரம்பிற்குட்பட்டது என்பதால், குற்றஞ்சாட்டப்பட்ட எவரிடமிருந்தும் எந்தவொரு வாக்குமூலமும் பதிவு செய்யப்படவில்லை.

குற்றச்சாட்டின்படி, கடந்த மே 4 ஆம் தேதி, நள்ளிரவு 12.04 மணி முதல் மே 16 ஆம் தேதி, இரவு 11 மணிக்குள், அதே இடத்தில், 38 வயதான ஆங் மெங் சியோங்கைக் கொலை செய்ததாக அவர்கள் மீது குற்றம் சாட்டப்பட்டுள்ளது.

தண்டனைச் சட்டத்தின் பிரிவு 302-ன் கீழ் இந்தக் குற்றம் சாட்டப்பட்டுள்ளது. இந்தப் பிரிவு, மரண தண்டனை அல்லது 40 ஆண்டுகள் வரை சிறைத்தண்டனையும், மரண தண்டனை விதிக்கப்படாவிட்டால், குறைந்தபட்சம் 12 சாட்டையடிகளையும் விதிக்க வகைசெய்கிறது.

துணை வழக்குத் தொடரும் அதிகாரி முஹம்மத் சியாஃபிக் முஹம்பத் ஸுல்பஹ்ரின் தலைமையில் வழக்குத் தொடர்பு மேற்கொள்ளப்பட்டது. குற்றஞ்சாட்டப்பட்ட கிம் யாங், வழக்கறிஞர் அஸ்ராஃப் அபு பக்கார் ஹம்ஸாவால் பிரதிநிதித்துவப்படுத்தப்பட்டார்.

மற்ற இரண்டு குற்றஞ்சாட்டப்பட்டவர்கள் வழக்கறிஞர் எவராலும் பிரதிநிதித்துவப்படுத்தப்படவில்லை.

தொடர்புடைய அறிக்கைகளின் புதுப்பிப்புகளுக்காக, வழக்கின் மறு பரிசீலனைக்கான தேதியாக ஜூலை 17 ஆம் தேதியை நீதிமன்றம் நிர்ணயித்தது.

-சங்கீர்த்தனா