சாலை வரி கட்டாத 14 மில்லியன் ரிங்கிட் மதிப்புள்ள 51 ஆடம்பர கார்கள் பறிமுதல்

பட்டர்வொர்த்: 

இந்த ஆண்டில் பினாங்கில், தங்கள் வாகன உரிமத்தை (எல்.கே.எம்) அல்லது சாலை வரியைப் புதுப்பிக்கத் தவறிய, சுமார் 14 மில்லியன் ரிங்கிட் மதிப்பிலான மொத்தம் 51 ஆடம்பர வாகனங்கள் பறிமுதல் செய்யப்பட்டுள்ளதாக மாநில சாலைப் போக்குவரத்துத் துறை தெரிவித்துள்ளது.

அதன் பினாங்கு இயக்குநர் ஸுல்கிஃப்லி இஸ்மாயில், ஜனவரி 1 முதல் வியாழக்கிழமை (மே 21) வரை மாநிலம் முழுவதும் நடத்தப்பட்ட ஓப் லக்ஸரி (Ops Luxury) நடவடிக்கையின் கீழ் இந்தப் பறிமுதல்கள் மேற்கொள்ளப்பட்டதாக தெரிவித்தார்.

செலுத்தப்படாத சாலை வரி காரணமாக, இந்தக் குற்றங்கள் அரசாங்கத்திற்கு சுமார் 175,000 ரிங்கிட் வருவாய் இழப்பை ஏற்படுத்தியதாக அவர் கூறினார்.

"ஒரு கார், 2020 ஆம் ஆண்டு முதல் அதன் சாலை வரியைப் புதுப்பிக்கவில்லை, மற்றொன்றின் உரிமம் 2021 ஆம் ஆண்டில் காலாவதியானது" என்று அவர் வெள்ளிக்கிழமை (மே 22) இங்கு கூறினார்.

ஒரு உரிமையாளர் ஏற்கனவே கருப்புப் பட்டியலில் சேர்க்கப்பட்டிருந்தாலும், வாகனத்தின் சாலை வரியைப் புதுப்பிக்காமல் தனது நிலையைப் பயன்படுத்திக் கொண்டதாக ஸுல்கிஃப்லி கூறினார்.

இந்த ஆண்டு நடவடிக்கைகள், பல்வேறு குற்றங்களுக்காக 137 நோட்டீஸ்கள், நடவடிக்கைகளை விளைவித்ததாக அவர் மேலும் தெரிவித்தார்.

கிட்டத்தட்ட நான்கு ஆண்டுகளாகச் செலுத்தப்படாத சாலை வரியுடன் கூடிய ஒரு கார், பறிமுதல் செய்யப்பட்ட வாகனங்களில் அதிக நிலுவைத் தொகையான 10,900 ரிங்கிட்டைக் கொண்டிருந்தது.

சம்பந்தப்பட்ட வாகனங்களில் பெரும்பாலானவை, வணிகர்கள், உயர்மட்ட நபர்கள் உள்ளிட்ட முக்கிய நபர்களுக்குச் சொந்தமானவை என்று நம்பப்படுவதாக ஸுல்கிஃப்லி கூறினார்.

சாலை வரியைப் புதுப்பிக்க மறந்துவிட்டதாகவோ, அல்லது வாகனங்கள் அரிதாகவே பயன்படுத்தப்பட்டதாகவோ கூறுவது பொதுவான சாக்குப்போக்குகள் என்றார் அவர்.

"சாலையில் உள்ள ஒவ்வொரு வாகனமும் செல்லுபடியாகும் எல்.கே.எம்-ஐக் கொண்டிருக்க வேண்டும் என்பதால், இத்தகைய சாக்குப்போக்குகளை ஏற்றுக்கொள்ள முடியாது" என்று அவர் வலியுறுத்தினார்.

கடந்த ஆண்டு ஜூன் முதல் பினாங்கில் ஓப் லக்ஸரி நடத்தப்பட்டு வருவதாக ஸுல்கிஃப்லி கூறினார்.

கடந்த ஆண்டு ஜூன் 1 முதல் டிசம்பர் 31 வரை, சாலை போக்குவரத்து துறை 73 ஆடம்பர வாகனங்களை பறிமுதல் செய்துள்ளதாகவும், செலுத்தப்படாத சாலை வரி காரணமாக சுமார் 88,000 ரிங்கிட் அரசாங்க வருவாய் இழப்பு ஏற்பட்டதாகவும் அவர் மேலும் கூறினார்.

-சங்கீர்த்தனா