லா லீகா கால்பந்து போட்டி: பார்சிலோனா தோல்வி

மாட்ரிட்:

லா லீகா கால்பந்து போட்டியில் பார்சிலோனா அணியினர்  தோல்வி கண்டனர்.

மெண்டிஷரோதா அரங்கில் நடைபெற்ற ஆட்டத்தில் பார்சிலோனா அணியினர் அலாவேய்ஸ் அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் பார்சிலோனா அணியினர் 0-1 என்ற கோல் கணக்கில் அலாவேய்ஸ் அணியிடம் தோல்வி கண்டனர்.

அலாவேய்ஸ் அணியின் வெற்றி கோலை இப்ராஹிம் டிபாதே அடித்தார்.

ஏற்கனவே லா லீகா கிண்ணத்தை வென்றுள்ள பார்சிலோனா அணிக்கு இந்த தோல்வி எந்த பாதிப்பையும் கொடுக்கவில்லை.

மற்றொரு ஆட்டத்தில் செவிலா அணியினர் 3-2 என்ற கோல் கணக்கில் வில்லாரியல் அணியை வீழ்த்தி வெற்றி பெற்றனர்.

ஸ்பான்யோல் அணியினர் 2-0 என்ற கோல் கணக்கில் அட்லாட்டிகோ பில்பாவ் அணியை வீழ்த்தி வெற்றி பெற்றனர்.

- பார்த்திபன் நாகராஜன்